Uaniipputit: Atuarnissaanut ilitsersuut

Atuarnissaanut ilitsersuut

Kommunimut pilersaarut immikkoortunut tallimanut agguagaavoq, soorlu suuneri quppernerup qulaatungaani takutinneqartut:

Takorluukkat pingaarnertullu aaqqissugaanera kommune tamakkerlugu ataatsimut pineqarpoq. Nunap immikkoortuini pingasuusuni nassuiaat periusissallu matumani ilaapput: Nuuk, Paamiut aamma Tasiilaq, kiisalu kommunimut pilersaarummut iliuusissaqarfiit qitiutinneqartullu qulequtakkaartumik allaaserineqarneri.

Illoqarfinnut nunaqarfinnullu tunngasuni malittarisassat/aalajangersakkat, tassani pineqarlutik, kommunip inoqarfiini 13-ini sumiiffinni innuttaasut ilisarnaataannik allaaserinninneq. Inoqarfiit immikkut tamarmik ineriartortinneqarnissaannut anguniakkanik allaaserinnittoqassaaq. Immikkoortoq aalajangersakkanik nalinginnaasunik pingaarnertullu aalajangersakkanik imaqarpoq, kiisalu immikkoortup ilaani pilersaarummut immikkoortunut ilaasut pillugit aalajangersakkat sukumiisut. Aalajangersakkat ukununnga tunngassuteqarsinnaapput, atuineq, sanaartukkat, aqquserngit aqqusineeqqallu il.il.. Taamatullu aamma illut eriagisassat immikkoortullu allanngutsaalisassat toqqarneqassapput.

Nunaannarmut tunngasuni malittarisassat, tassani pineqarlutik, immikkoortut illoqarfiit nunaqarfiillu avataaniittut. Immikkoortut taakku tallimat assigiinngitsunut tallimanut agguataarneqarput, aalajangersakkallu nalinginnaasut pingaarnerillu aalajangersarneqarlutik.

Immikkoortunut ataasiakkaanut aalajangersakkat: Illuaraqarfiit (K), sukisaarsaarfiit (L), nunaleriffiusut, qeqertat qimmeqarfiit il. il. (M), teknikkikkut atortorissaaruteqarfiit (N) aamma sanaartorfioqqusaanngitsut (O).

Nunaminertamik atugassiineq pingaarnertut pilersaarusiorneq tunngavigalugu nunaminertamik atugassiisarnermik maleruaqqusat aalajangersarneqartarput.

Nassuiaat Pilersaarummut nassuiaammi uani kommunimut pilersaarummut atortussat tunuliaqutaasut atuarneqarsinnaapput, ilaatigut aamma innuttaasut agguataarneqarnerat nuttartarnerlu. Allamut tunngasumik pilersaarusiornermut nassuiaat aamma ukiuni kingullerni ineriartornermik allaaserinninnerusoq, killiffimmik allaaserinninneq aamma tassani takusinnaavatit.





Kingullermik iluarsineqarpoq 20-6-2016


WEB by COWI