D: Nunaminertat sanaartorfigeqqusaanngitsut sunngiffimmilu sammisassaqartitsinermi atortulersuutit

Nunaminertat sanaartorfigeqqusaanngitsut nunaminertallu sunngiffimmi sammisassaqartitsinermi atortulersuutitallit, nunaminertat tamakku atorneqarnerini ingerlanneqarnerinilu atortulersuutit pisariaqartinneqartut eqqaassanngikkaanni, sanaartorfigineqassanngillat. Sanaartorfigeqqusinnginneq tamanna ilutsimi pingaarnermi aqqusinissatut, aqqusineerassatut, ledningeqarfissatut teknikkikkullu atortulersuuteqarfissatut -  soorlu tele aqqutigalugu sumiissusersiutit, teknikkikkut nakkutilliissutit aamma sumiiffimmi aalisarnertut, piniarnertut sukisaarsarfittullu siunertat pisariaqartinneqartut -  aallaavigineqartut piviusunngortinneqarnissaannut akornutaanngilaq.

Immikkoortut ilaanni aamma takornariaqarnermut tunngasunik soqutigisaqarnermi sukisaarsartarfiliortiternerni akunnittarfiit illuaraqarfiillu inissinneqarsinnaapput.
Immikkoortut ilaasa nunatat sukisaarsarnermilu naleqartitat allanngortinneqassanngillat.

Nunaminertat sanaartorfigeqqusaanngitsut
Nunaminertat sanaartorfigeqqusaanngitsut tassaapput nalinginnaasumik sanaartorfigeqqusaanngitsut aamma sukisaarsarnernik siunertaqartunut atorneqartut – assersuutigalugit illoqarfimmut qanittumi pinngortitaq /asi, nunaminertat ataatsimoorussat sanaartorfigineqanngitsut, nunaminertat qorsuusut /aneerasaartarfiit, aqqusineeqqat, qimussit aqqutaat – aamma iliveqarfik, qimmilivik assigisaallu.

Sunngiffimmi sammisassaqartitsinermi sukisaarsartarnermilu atortulersuutit
Immikkoortut ilaat sunngiffimmi sammisassaqartitsinermi atortulersuutinut assersuutigalugit timersortarfiit, sisorartarfiit, nuannaariartaatinut umiatsialivik, ooqattaasarfik, tupeqarfik, katersugaasiveqarfik, saqqummersitsiveqarfik assigisaallu ilaatinneqarput.