Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 1A1

1A1  Kujallerpaani inissiaqarfik

Sumiiffik - illoqarfik/nunaqarfik Nuuk 
Siunertat Inissianut siunertat 
Atorneqarnissaa nalinginnaasoq Inissiaqarfiit 
Atorneqarnissaa

Immikkut pilersaarusiorfik A-mi sanaartorfissat ilaqutariinnut inissianut, illunut affarleriinnut aamma
uigulukutsukkuutaanut, kiisalu kipparissut ataatsimoortitat, blokkit imaluunniit illut immikkoortunut
inissaritinneqassapput.


Immikkut pilersaarusiorfik B inissianut, pisiniarfinnut, inuussutissarsiortunut aammalu ilinniartunut
inissianut quleriiaartunut atugassiissutigineqassaaq.


Immikkut pilersaarusiorfik C pisortat ilinniartunut inissiaattut quleriiaatut atugassiissutigineqassaaq.


Immikkut pilersaarusiorfik D qaleriinnik inissiaqarfiliorfissatut immikkoortinneqassaaq.


Immikkoortup ilaani taamatut ingerlatsisinnaaneq, nalinginnaasumik najugaqarfiusuni taamaallaat
ingerlanneqartumik, Kommunalbestyrelsimit akuerineqarsinnaavoq. Suliffeqarfik ima
ingerlanneqassaaq, sumiiffiup najugaqarfittut isikkua allanngortinneqassanani, tamatumunnga
allagartalersuineq ilanngullugu. Suliffeqarfik eqqaamiorisanut akornutaassanngilaq, aammalu
biilinut inissiisarfinnik malunnaatilimmik amerlanerusunik pisariaqartitsiffiussanani.

 
Pissutsit pioreersut

Nunaminertaq inissiaqarfiuvoq. Nunaminertaq 4,9 ha-it missaannik annertutigaaq.

 
Sanaartorfik

Immikkut pilersaarusiorfik A: Initussuseq tamakkiisumik atorneqarpoq. Sanaartorfiit pioreersut
ilanngussami 3B-mi takutinneqartutut atugassiissutigineqarput.
Immikkut pilersaarusiorfik B: Sinneruttumik inissaqartitsineq tamakkiisumik atuutsinneqarpoq.
Sanaartorfiit pioreersut ilanngussami 3B-mi takutinneqartutut atugassiissutigineqarput.
Immikkut pilersaarusiorfik C: Ilanngussami 3C-mi takutinneqartutut sanaartorfissanik nutaanik
atugassiisoqassaaq.
Sanaartorfissaq 1C-C4: Quleriit pingasut sisamalluunniit angullugit portutigisunik
inissialiortoqarsinnaavoq. Nunataa apeqqutaalluni naqqup ilua ilanngullugu
qulereeqartoqarsinnaavoq,
Immikkut pilersaarusiorfik D: Sanaartorfiit pioreersut ilanngussami 3A-mi takutinneqartutut
atugassiissutigineqarput.
Sanaartorfissat D1-D3: Quleriit sisamat angullugit portutigisunik inissialiortoqarsinnaavoq.
Sanaartorfissaq D4: Quleriit pingasut angullugit portutigisunik inissialiortoqarsinnaavoq.
Sanaartorfissaq D5: Portunerpaamik 1½ -inik quleriinnik inissialiortoqarsinnaavoq.

 
Inissaq sinneruttoq

Immikkoortoq 6,3 ha. missaani angissuseqarpoq.
Immikkut pilersaarusiorfinni A, C D-milu illoqarfimmik nutarsaanermut atatillugu
eqititerisoqarsinnaavoq.

 
Angallanneq pilersuinerlu

Immikkoortup ilaa Aqqusinersuarmit, Kongevejimit aamma Quassunnguamit aqqusineqassaaq.
Sineriak sinerlugu aqqusineeraq sineriak sinerlugu ajornanngitsumik aqquteqarsinnaasariaqarpoq.

 
Immikkut aalajangersaaffigisat

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat.

 
Aalajangersakkat immikkut ittut

Immikkut ittunik aalajangersagaqanngilaq

 





Kingullermik iluarsineqarpoq 28-2-2018


WEB by COWI