1A16  Imeqarfiup eqqaani inissiaqarfik

Immikkoortup ilaa inissianut akuleriinnut atugassiissutigineqarpoq.
Immikkoortup ilaani taamatut suliffeqarfeqarsinnaanera, soorlu najugaqarfinni nalinginnaasumik suliffeqarfittut ittunik, kommunalbestyrelsimit akuerineqarsinnaavoq. Suliffeqarfik najugaqarfiup ilusaanik allanngortitsinngitsumik, tassunga ilanngullugu allagartarsualersornikkut, ingerlanneqassaaq. Suliffeqarfik eqqaamiorisanut ajoqutaassanngilaq aamma malunnaatilimmik biilinut inissiisarfinnik amerlanerusunik pisariaqartitsinermik kinguneqartitsissanngilaq.
Nunaminertat sanaartornernut atortulersuutinullu atorneqanngitsut uningaartarfittut aaqqissuunneqassapput pinngortitatulluunniit isikkoqartinneqassallutik.
Immikkoortup ilaani teknikkimut siunertaqartinneqartumik ataatsimik illuliortoqarsinnaavoq.

Nunaminertaq sanaartorfigineqanngilaq aamma 5,6 ha-it missaanni annertussuseqarpoq.

Immikkoortup ilaa quleriinnik inissianik qulinik sisamaat avillugu portussusilinnik sanaartorfigineqarsinnaavoq.
Etagemi ataatsimi inissiat amerlanerpaamik sisamat sananeqarsinnaapput. Qaliarsua inissianut ataaniittunut atasussanngorlugu sananeqarsinnaavoq, imaluunniit inissiat immikkoortut marluk annerpaamik sananeqarsinnaallutik.
Sanaartukkat C. E. Jansensvejimi sanaartukkatut sammiveqartinneqassapput aamma qaliaasa qaavi illugiinnik sivingasunngorlugit aamma illut isui ataatsimut aqqusinermut sammisunngorlugit sanaartorneqassapput.
Sanaartukkat qaliaasa qaavi illugiinnik sivingasunngorlugit ilusilersorneqassapput.

Immikkoortup ilaa 6,0 ha.-it missaannik annertussuseqarpoq. Immikkoortup ilaaniissinnaapput inissiat 140-it missaat.

Sumiiffik C.E. Janssensvej-iminngaanniit aqqusineqarpoq.

Immikkut ittunik aalajangersagaqanngilaq

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat. Nunaminertaq imermik milluaaffiusumut nunaminertamut appaaffigeqqusaanngitsumut ilaatinneqarpoq. Imermik milluaasoqarfik kaajallallugu nunaminertaq appakaaffigeqqussaanngitsoq pillugu aalajangersakkat ataqqineqassapput. Nunaminertami appakaaffigeqqusaanngitsumi atortulersuutiliortoqaqqusaananilu imissamaammik mingutsitsisinnaasunik suliaqartoqassanngilaq.

Immikkut ittunik aalajangersagaqanngilaq