Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 1A18

1A18  C.E. Jansensvej eqqaani  inissiaqarfik

Sumiiffik - illoqarfik/nunaqarfik Nuuk 
Siunertat Inissianut siunertat 
Atorneqarnissaa nalinginnaasoq Inissiaqarfiit 
Atorneqarnissaa

Immikkoortup ilaa inissianut imminnut qanittunut pukkitsunullu atugassiissutigineqarpoq – misileraalluni sanaartorneq Immikkoortup ilaani taamatut suliffeqarfeqarsinnaanera, soorlu najugaqarfinni nalinginnaasumik suliffeqarfittut ittunik, kommunalbestyrelsimit akuerineqarsinnaavoq. Suliffeqarfik najugaqarfiup ilusaanik allanngortitsinngitsumik, tassunga ilanngullugu allagartarsualersornikkut, ingerlanneqassaaq. Suliffeqarfik eqqaamiorisanut ajoqutaassanngilaq aamma malunnaatilimmik biilinut inissiisarfinnik amerlanerusunik pisariaqartitsinermik kinguneqartitsissanngilaq.
Nunaminertat sanaartornernut atortulersuutinullu atorneqanngitsut uningaartarfittut aaqqissuunneqassapput pinngortitatulluunniit isikkoqartinneqassallutik.
Tamatuma saniatigut immikkuualuttumut 1-mut tunngatillugu immikkoortup ilaata atorneqarneranut aalajangersakkat pingaarnerit atuutissapput, Illoqarfiup ilaanut pilersaarummi 1C18-1-imi, Telep eqqaa, § 3 takuuk.

 
Pissutsit pioreersut

Nunaminertap ilaa inissiaqarfiuvoq. Nunaminertaq 3,6 ha-it missaannik annertutigaaq aamma 26 missaannik inissiat.

 
Sanaartorfik

Immikkuualuttoq 1 illunik affarleriinnik pingajuat avillugu quleriilinnik sanaartorfigineqarsinnaavoq. Tamatuma saniatigut sanaartukkat pillugit Illoqarfiup ilaanut pilersaarummi 1C18-1-imi aalajangersakkat pingaarnerit atuutissapput (§ 1
takuuk).
Immikkuualuttoq 2 amerlanerpaanik inissianik 16-nik ataatsimik quleriilinnik qaliaallu atorneqartunik sanaartorfigineqarsinnaavoq.
Immikkuualuttoq 2-mi sanaartukkat immikkuualuttumi 1-imisut sammiveqartinneqassapput imaluunniit sanaartukkanut taakkununnga teqeqqorissoqatigiissillugit inissinneqassapput aamma qaliaasa qaavi assigiimmik sivingasuussapput.
Sanaartukkat nunamut naleqqussarlugit inissinneqassapput ilusilersorneqarlutillu.

 
Inissaq sinneruttoq

Immikkoortup ilaa 3,3 ha-it missaannik annertussuseqarpoq. Immikkuualuttoq 2 sanaartorfigineqareerpat immikkoortup ilaa tamakkerluni sanaartorfigineqarsimassaaq.

 
Angallanneq pilersuinerlu

Immikkoortup ilaa C. E. Jansensvejimit aqqusineqassaaq.

 
Eqqissisimatitat allanngutsaaliukkallu

Immikkut ittunik aalajangersagaqanngilaq

 
Immikkut aalajangersaaffigisat

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat.

 
Aalajangersakkat immikkut ittut

Immikkut ittunik aalajangersagaqanngilaq

 





Kingullermik iluarsineqarpoq 6-10-2017


WEB by COWI