Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 1C12

1C12  Aqutsisoqarfik

Sumiiffik - illoqarfik/nunaqarfik Nuuk 
Siunertat Inuussutissarsiuteqarfik umiarsualiveqarfillu 
Atorneqarnissaa nalinginnaasoq Nunaminertat ataatsimoorussassatut siunertaqarfigineqartut 
Atorneqarnissaa

Sumiiffiup niuernermi, pisortat namminersortullu sullissineranni, inissiaqarnermi, akunnittarfeqarnermi, sutorniartarfeqarnermi aamma pisortat allaffeqarneranni meeqqeriviuteqarnerannilu qiterisaqarfinnut siunertanut atugassiissutigineqarnissaa aalajangerneqarpoq.

 
Pissutsit pioreersut

Nunaminertap qiterisaqarfia tamarmi sanaartorfigineqareerpoq. Nunaminertaq 10,4 ha-it missaannik annertutigaaq.

 
Sanaartorfik

Ilanngussami 2-mi takuneqarsinnaasutut sanaartorfissat iluini sananeqarsinnaapput. Sanaartukkap pingaarnersaa marlunnik quleriilerneqarsinnaavoq (Nuuk Centerip pioreersup assinganik) illorsuarlu takisooq quleriit 7-it tikillugit sanaartorfissatut nalunaaqutsikkani ilanngussaq 2-miittut iluanni sananeqarsinnaavoq.

Sanaartorfissap iluani sanaartukkat sananeqaatsimikkut assigiissaartuussapput illorsuup ilusaa, atortui qalipaataalu eqqarsaatigalugit. Illorsuup silataata ilusai inaarutaasut tamarmik, atortut toqqakkat qalipaatillu Kommuneqarfik Sermersuumit akuerineqassapput.

 
Inissaq sinneruttoq

Illuliassat ilanngussaq 3-imi innersuussutigineqartutut sananeqareerpata, sumiiffik tamakkiisumik
piorsarneqareersutut isigineqassaaq.

 
Angallanneq pilersuinerlu

Immikkoortoq tamanna H.J. Rinksvejimit aammalu Blok 2, B-1434-imiit aqqusinermit nutaamit, kiisalu ilanngussaq 2-mi taaneqartutut Kuussuakkut aqquteqartinneqassaaq.

Pitsorluttut qamutinillu kaassuartakkanik atuisut susassaqarfinnut tamanut, innuttaasunut tamanut saaffiginnittunut aqquteqartinneqassapput.

 
Eqqissisimatitat allanngutsaaliukkallu

Sumiiffimmi eriagisassanik soqanngilaq.

 
Immikkut aalajangersaaffigisat

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik,
nallarissup iluani aamma nunap immamit qatsinnerussusianut aalajangiussat iluanni mikkiartornermi
qangattalernermilu akornutaasoqaqqunagu. Immikkoortoq mittarfimmut akornutaasussaanngitsup
ataanniippoq, tassaalluni nallarissoq akornutitaqartussaanngitsoq tassani sanaartukkat aamma
atortussaasiviit nunap immamit qatsinnerussusia 127,5 qaangerlugu sanaartorneqaqqusaanngillat
aamma aqquserngit nunap immamit qatsinnerussusia 121,5 qaangerlugu sanaartoqqusaanatik.

 
Illoqarfimmik nutarterineq pitsaanerulersitsinerlu

Kommunimut pilersaarummut tapiliussap siunertaanut inissaqartitsiniarluni, Blok 1, B-1433, peerneqarnikuuvoq.

Soqutigisaqartup ilanngussaq 2-imi takutinneqartutut sanaartorfissap iluani nunataata suliarinissaata, imertertarnissaata aammalu angallannikkut aaqqiissutissat isumaginissaannut pisussaaffeqarpoq. Nunataata suliarinissaa, qaammaqqusersuineq aammalu angallannikkut aaqqiissutissat Kommuneqarfik Sermersuumit akuersissuteqarfigineqassapput.

 
Aalajangersakkat immikkut ittut

B-142 allanngutsaaliugaavoq.

 





Kingullermik iluarsineqarpoq 14-10-2020


WEB by COWI