Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 1C16

1C16  Kissarneqqortuunnguaq-mi Qiterisaqarfik

Sumiiffik - illoqarfik/nunaqarfik Nuuk 
Siunertat Inuussutissarsiuteqarfik umiarsualiveqarfillu 
Atorneqarnissaa nalinginnaasoq Nunaminertat ataatsimoorussassatut siunertaqarfigineqartut 
Atorneqarnissaa

Immikkoortup atorneqarnissaa qitiusoqarfimmi siunertanut, illoqarfimmi soorlu atuarfinnut, meeqqerivinnut, kulturikkut timersornikkullu atortorissaarutinut aamma pisortat siunertaannut tamakkununnga assingusunut, taamatullu pisiniarfinnut, inuussutissarsiortunut namminersortunut, kiffartuussinermik ingerlatsisunut,  kunnittarfimmut aamma inissianut atorneqassasoq aalajangersarneqarpoq. 

 
Pissutsit pioreersut

Immikkoortoq 5,5 ha.-it missaannik annertussuseqarpoq.

 
Sanaartorfik

IMMIKKUUALUTTUNI A,B & D sanaartortoqarsinnaavoq 1-3-nik quleriilinnik.
IMMIKKUUALUTTOQ C 5-it angullugit quleriilinnik sanaartorfiusinnaavoq.
IMMIKKUUALUTTUMI E-mi sanaartorfissami E1-7-mi sanaartukkat 1-imik quleriilimmik, qalianik  atorneqarsinnaasunik, sanaartorfiusinnaavoq, sanaartorfissamilu E8-10 quleriit 3 tungaanut  sanaartorfiusinnaalluni.

 
Inissaq sinneruttoq

Immikkoortoq 10.000 m² -imut sinneruttumik inissaqarpoq, illuliap inaarutaasumik ilusilersorneqarnera apeqqutaatillugu. Illut piusut isaterneqarnerisigiut illut nutaat aamma sanaartorneqarsinnaapput. Sanaartukkat pioreersut isaterneqarnerisigut immikkoortortami sinneruttumik inissaq katilluni 15.000 m²-iussaaq qitiusumik siunertanut atorneqartussanut aamma 40-nik inissiartalinnut, illut inaarutaasumik ilusilersorneqarnerat apeqqutaalluni. Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

 
Angallanneq pilersuinerlu

Immikkoortoq H.J. Rinksvejimiit, Børnehjemsvej aamma Kissarneqqortuunnguaq aqqusaarlugit
aqquteqartinneqassaaq, kiisalu Naalakkap Qaqqaata tallissutaatigut.

 
Eqqissisimatitat allanngutsaaliukkallu

Immikkoortup kujataata´tungaani immikkoortoq, Kissarneqqortuunnguup aamma Børnehjemsvejip
(immikkuualuttoq E), akornanniittoq eriagisariaqartutut toqqarneqarpoq (immikkoortoq § 3),
Naalakkap Qaqqaata eqqaani illoqarfiup ilaatut. Sanaartukkat nutaat inissiinermut ilusiliinermullu tunngatillugu immikkoortup ilaata oqaluttuarisaanikkut pingaaruteqassusianut nalequssarneqassapput.

 
Immikkut aalajangersaaffigisat

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik,
narlorissup iluani aamma nunap immamit qatsinnerussusianut aalajangiussat iluanni mikkiartornermi
qangattalernermilu akornutaasoqaqqunagu. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassani illut immamit qatsissuseq 127,5 qaangerlugu sanaartoqqusaanatik aqquserngillu sanaartorneqarnerini immamit qatsissuseq 121,5 qaangeqqusaanagu.

 
Illoqarfimmik nutarterineq pitsaanerulersitsinerlu

Immikkoortumi eriagisariaqartutut toqqarneqarsimanngitsumi nutarterisoqarsinnaavoq aamma
illooreersunik ingitserisoqarsinnaavoq.

 
Aalajangersakkat immikkut ittut

Immikkut ittunik aalajangersagaqanngilaq

 





Kingullermik iluarsineqarpoq 2-6-2020


WEB by COWI