Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 1C4

1C4  Sipisaq Avannarleq-mi Qiterisaqarfik

Sumiiffik - illoqarfik/nunaqarfik Nuuk 
Siunertat Inuussutissarsiuteqarfik umiarsualiveqarfillu 
Atorneqarnissaa nalinginnaasoq Nunaminertat ataatsimoorussassatut siunertaqarfigineqartut 
Atorneqarnissaa

Immikkoortup atorneqarnera ima aalajangersarneqassaaq:

Qiterisaqarfittut immikkoortut (C1)

Sumiiffiup atorneqarnera qitiusoqarfimmi siunertanut illoqarfimmi pisariaqartut ilanngullugit
aalajangersarneqassaaq, soorlu: Pisiniarfiit, namminersortut, (ussassaarusiornermik suliaqartartut,
qarasaasialerisut, eqqartuussissuserisut, illussanik titartaasartut, ingeniørit, illunik tuniniaasartut,
kukkunersiuisut assigisaalu), nakorsiartarfiit (kigutilerisoq, fodterapeut, tarnip pissusiinik ilisimasalik
assigisaalu), kiffartuussiviit, pisortat allaffii, inissiat, akunnittarfik, neriniartarfik, biilinik unittarfik teknikkimullu
tunngasut pisariaqartut assigisaalu.
aamma

Tamanut siunertat (C2)

Immikkoortup atorneqarnera meeqqeriviliortoqarnissaanut tassa meeraaqqerivittalimmik
meeqqerivittalimmillu tassungalu atasunik atortulersuutinik assigisaanillu tamanit atorneqarsinnaasunut
siunertanut atugassiaavoq.
Ilanngussami 3-mi toortarnertut nalunaaqutsikkat illoqannginnersat illoqarfimmi tamanit
aneerfigineqarsinnaasutut atorneqassapput.

 
Pissutsit pioreersut

Nunaminertap qiterisaqarfia tamarmi sanaartorfigineqareerpoq. Nunaminertaq 1,3 ha-it missaannik annertutigaaq.

 
Sanaartorfik

Immikkoortup ilaa immikkuualuttunut agguataarneqarpoq ilanngussaq 1-imi takutinneqartutut I,II aamma III-mut.
Immikkuualuttumi I-imi aamma III-mi nutaamik sanaartugaq ilanngussaq 2-mi sanaartorfissatut
takutinneqartut iluani inissinneqassaaq.
Nutaamik sanaartornermi allanngortiterinermiluunniit ilanngussaq 2-mi takutinneqartoq sanaartukkat killingat
malinneqassaaq.
Siunissami sanaartukkat portunerpaaffissaat:
Immikkuualuttoq I-mi quleriit 4-t
Immikkuualuttoq II-mi quleriit 2-t
Immikkuualuttoq III-mi quleriit 4-t
Illuni Aqqusinersuarmut sammisuni init naqqarlerni inissialiortoqaqqusaanngilaq.

 
Inissaq sinneruttoq

Immikkuualuttumi II-mi nutaamik sanaartorneq pilersinnagu sukumiisumik aalajangersaavigineqassaaq,
sanaartorfissiat sumi inissisimatinnissaat aamma aalajangersakkat allat pillugit aalajangersaasunik.

 
Angallanneq pilersuinerlu

Noorlerniit kiisalu Jens Kreutzmannip Aqqutaaniit immikkoortup ilaanut aqqusineqassaaq.
Aqqusinersuarmiit immikkoortup ilaanut aqqusineq sanaartorfissap 4-p aamma 6-ip akornanniittoq
siunissami atorunnaarsinneqassaaq

 
Eqqissisimatitat allanngutsaaliukkallu

Immikkut aalajangersagaqanngilaq

 
Immikkut aalajangersaaffigisat

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttunik, narlorissup
iluani aamma nunap immamit qatsinnerussusianut aalajangiussat iluanni mikkiartornermi qangattalernermilu
akornutaasoqaqqunagu. Immikkoortoq mittarfimmut aporfeqanngitsup ataaniippoq narlorissullu
inissisimanerata ilaanut ilaalluni, tassani illut immamit qatsissuseq 127,5 qaangerlugu sanaartoqqusaanatik
aqquserngillu sanaartorneqarnerini immamit qatsissuseq 121,5 qaangeqqusaanagu.

 
Illoqarfimmik nutarterineq pitsaanerulersitsinerlu

Sumiiffimmi illoqarfimmi nutarsaasoqarsinnaavoq, ilaatigut illuliat pioreersut isaterneqarnerisigut.

 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 4-12-2019


WEB by COWI