Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 20A10

20A10  Qipoqqarmi inissiaqarfik

Sumiiffik - illoqarfik/nunaqarfik Paamiut 
Siunertat Inissianut siunertat 
Atorneqarnissaa nalinginnaasoq Inissiaqarfiit 
Atorneqarnissaa Sumiiffik illutut uilukutsukkuutaatut imminnut qanittutut pukkitsutullu assigisaattullu aamma inissiatut quleriittut inissianut siunertanut atugassiissutigineqarnissaa aalajangerneqarpoq. 
Pissutsit pioreersut Nunaminertaq inissiaqarfittut tamarmi sanaartorfioreerpoq. Nunaminertaq 4,3 ha-it missaannik annertutigaaq aamma 40 missaannik inissiat. 
Sanaartorfik Sanaartukkat imminnut qanittut-pukkitsut 1,5-inik quleriinngorlugit aamma quleriinnik inissiat 3-inik quleriinngorlugit sanaartorneqarsinnaapput. Nutaanik sanaartortoqannginnerani immikkoortup ilaa tamaat pillugu ataatsimoortumik pilersaarusiortoqaqqaassaaq pilersaarusiamilu illut qanoq ittuunissaat, annertussusissaat, inissisimaffissaat aamma sumiiffiup ineriartortinneqarneranut sukumiisunik aalajangersakkat aalajangersarneqassapput. 
Inissaq sinneruttoq Sumiiffimmi ha.-imi ataatsimi inissiat 20-40-it amerlaqataattut eqiteriffigineqarsinnaavoq. 
Angallanneq pilersuinerlu Sumiiffik Qipoqqaq-iminngaanniit aqqusineqarpoq. 
Eqqissisimatitat allanngutsaaliukkallu Immikkut ittunik aalajangersagaqanngilaq 
Immikkut aalajangersaaffigisat Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 75,5-init portunerusut sanaartorneqassanngillat aamma aqquserngit 69,5-inik portunerusut sanaartoqqusaanngillat. Nunaminertaq telep atortulersuutaanut takunniffiusussamut ilaatinneqarpoq. Nunaminertaq takunniffiususssaq allanngorarpoq aammalu telemi atortulersuutit nunami inissisimanerat apeqqutaalluni allanngorartarpoq. Nunaminertap taannartaa sanaartorfigineqassanngilaq allatulluunniit nunaminertaq takunniffiusinnaasoq pillugu aalajangersakkanut akerliusumik atorneqassanngilaq. 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 3-4-2017


WEB by COWI