Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 20D4

20D4  Augo Lyngip aqqutaani timersortarfik

Sumiiffik - illoqarfik/nunaqarfik Paamiut 
Siunertat Nunaminertat sanaartorfigeqqusaanngitsut sunngiffimmilu atortut 
Atorneqarnissaa nalinginnaasoq Nunaminertat sanaartorfigeqqusaanngitsut sunngiffimmilu sammisassaqartitsinermi atortulersuutit 
Atorneqarnissaa Immikkoortup ilaata sunngiffimmi siunertanuttimersortarfittut, atorneqarnissaa aalajangerneqarpoq. 
Pissutsit pioreersut Nunaminertaq timersornermik sunngiffimmilu sammisassanik sammisaqarfiuvoq allanillu sanaartorfigineqanngilaq. Nunaminertaq 5,6 ha-it missaannik annertutigaaq. 
Sanaartorfik Sukisaarsarnermut atorneqarnerata ilaatut ikittuinnarnik nutaanik sanaartortoqarsinnaallunilu atortulersuusersortoqarsinnaavoq. Nutaanik sanaartortoqannginnerani immikkoortup ilaa tamaat pillugu ataatsimoortumik pilersaarusiortoqaqqaassaaq pilersaarusiamilu illut qanoq ittuunissaat, annertussusissaat, inissisimaffissaat aamma sumiiffiup ineriartortinneqarneranut sukumiisunik aalajangersakkat aalajangersarneqassapput. Sumiiffiup nunami inissisimanera eqqarsaatigalugu sanaartugassat nutaat ilusilersorneqassapput. 
Inissaq sinneruttoq Immikkut ittunik aalajangersagaqanngilaq 
Angallanneq pilersuinerlu Sumiiffik Qipoqqaq-iminngaanniit aqqusineqarpoq. 
Eqqissisimatitat allanngutsaaliukkallu Immikkut ittunik aalajangersagaqanngilaq 
Immikkut aalajangersaaffigisat Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 75,5-init portunerusut sanaartorneqassanngillat aamma aqquserngit 69,5-inik portunerusut sanaartoqqusaanngillat. Nunaminertaq telep atortulersuutaanut takunniffiusussamut ilaatinneqarpoq. Nunaminertaq takunniffiususssaq allanngorarpoq aammalu telemi atortulersuutit nunami inissisimanerat apeqqutaalluni allanngorartarpoq. Nunaminertap taannartaa sanaartorfigineqassanngilaq allatulluunniit nunaminertaq takunniffiusinnaasoq pillugu aalajangersakkanut akerliusumik atorneqassanngilaq. 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 3-4-2017


WEB by COWI