37C4  Hotel Kulusuup eqqaani qitiusoqarfik

Sumiiffik - illoqarfik/nunaqarfik Kulusuk 
Siunertat Inuussutissarsiuteqarfik umiarsualiveqarfillu 
Atorneqarnissaa nalinginnaasoq Nunaminertat ataatsimoorussassatut siunertaqarfigineqartut 
Atorneqarnissaa

Sumiiffiup qiterisaqarfinnut ataatsimullu siunertanut soorlu niuernermut, pisortat namminersortullu sullissinerannut, inissianut, akunnittarfinnut, sutorniartarfinnut, pisortat allaffissornerannut, atuarfimmut, meeqqerivinnut, kulturikkut timersornikkullu atortorissaarutinut siunertanullu tamakkununnga assingusunut atugassiissutigineqarnissaa aalajangerneqarpoq. 

 
Pissutsit pioreersut

Nunaminertap qiterisaqarfia sanaartorfigineqarpianngilaq. Nunaminertaq 18 ha-it missaannik annertutigaaq. 

 
Sanaartorfik

Nunaminertaq 12-it missaannik illutaqarpoq. Nunaminertat sanaartorfigineqanngitsut ataatsimoorussassallu sapinngisamik pinngortitatut isikkoqartinniarneqassapput.

 
Inissaq sinneruttoq

Sumiiffimmi sukumiisumik nalilersuineq tunngavigalugu inissianik nutaanik ataasiakkaanik sanaartortoqarsinnaavoq. 

 
Angallanneq pilersuinerlu

Sumiiffimmit nunaqarfimmi sumiiffinnut atuuffinnullu allanut biilit qimussillu aqqutaatigut aamma aqqusineeqqakkut aqqusineqarnissaa qulakkeerneqassaaq. 

 
Eqqissisimatitat allanngutsaaliukkallu

Immikkut ittunik aalajangersagaqanngilaq.

 
Immikkut aalajangersaaffigisat

Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfiup eqqaani akornuteqarani mikkiartortarfiup manissup iluaniippoq aammalu mikkiartortarfimmut tingiartortarfimmullu ilaatinneqarluni. Mittarfimmut ungasissutsit aamma mittarfiup qeqqaniit sanimorluinnaq ungasissuseq apeqqutaatillugit sanaartukkat atortulersuutillu aamma aqquserngit portussusissaat nikerartuupput. 

 
Aalajangersakkat immikkut ittut

Immikkut ittunik aalajangersagaqanngilaq.