Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 3E5

3E5  Nuummi Mittarfik

Sumiiffik - illoqarfik/nunaqarfik Nuuk 
Siunertat Teknikkimut atortut attaveqaatillu 
Atorneqarnissaa nalinginnaasoq Teknikkikkut atortulersuutit attaveqaatillu 
Atorneqarnissaa

Immikkoortoq mittarfimmut kiisalu kiffartuussinermi inuussutissarsiuteqarnermilu atortunik suliaqarfinnut atugassanngortinneqarpoq.

Immikkoortumi suliffeqarfiit mingutsitsisut immikkut ittumik ingerlanneqarsinnaapput

Immikkuualuttuni C-mi aamma D-mi qaqqanik qaartiterinissaq inerteqqutaanngilaq.

Immikkoortup ilaa immikkuualuttunut A-G-mut aggulunneqassaaq:

  • Immikkuualuttoq A taamaallaat timmisartut aallartarfiannut mittarfiannut / pisattanut ingerlaarfinnut / sivisuumik uninngasarfissanut / timmisartut isumannaallisagaanerinut sanaartukkanut / attaveqarnernut soorlu aqqusinernut pilersuinermilu ledninginut tunngatinneqassaaq. Nunaminertat atorneqanngitsut pissusissaasut ilineqassapput.
  • Immikkuualuttoq B taamaallaat mittarfimmut siunertamut / pisattanut ingerlaarfinnut / taxanut / sivisuumik uninngasarfissanut / akunnittarfimmut / hangarimut / sannavimmut il. il.atorneqaqqusaavoq.
  • Immikkuualuttut C aamma D mittarfimmi / inuutissarsiornermi siunertamut kiisalu attaveqarnermut teknikkikkullu atortussaatinut, soorlu aqqusinermut pilersuinermilu aqqutilersuutinut tunngatinneqassapput - Nunaminertat atorneqanngitsut pissusissamisoortinneqassapput. Immikkuualuttut siunertanut timmissanik ussagartitsisinnaasunut atorneqassanngillat.
  • Immikkuualuttoq E attaveqarnermut ilaatigut imeqarfimmik nutaamik tassungalu attuumassuteqartunik atortunik atugassanngortinneqassaaq. Nunaminertat atorneqanngitsut taamaaginnartinneqassapput, ermullu pitsaassusaata qulakkeernissaanut piumasaqaataappat aatsaat ungalulersorneqassallutik.
  • Immikkuualuttoq F inuussutissarsiornermut sanaartorfiunngitsunullu siunertanut atugassanngortinneqassaaq.
  • Immikkuualuttoq G ujaqqerivissatut/ inuussutissarsiuteqarfittut atugassanngortinneqassaaq
 
Pissutsit pioreersut

Immikkoortup ilaa Nuummi Mittarfimmut sanaartugartaqarpoq.

 
Sanaartorfik

Immikkoortup iluani sanaartornerni atortussaateqarnernilu Naalagaaffiup Mittarfeqarfiata "Inuinnarnik timmisartuussisarnermut aalajangersagai" ataqqineqassapput.

Aporfittut killeqarfigitinneqartut sanaartornermi malinneqassapput.

Sanaartorneq atortussaateqarnerlu immikkoortup takuneqarsinnaasutut ilusaa ataqqillugu suliarineqassapput

 
Inissaq sinneruttoq

Immikkoortoq 295 ha missaani angissuseqarpoq mittarfiullu 2200 meterinik takitigisumut tallineqarnissaa periarfissaalluni kiisalu mittarfiup mittarfissuarmut nutarsarnissaanut immikkoortumilu inuussutissarsiutinik ingerlataqarnissamut nunaminertanik peqalernissamut pisariaqartunik pilersitsinissaq periarfissaalluni.

 
Angallanneq pilersuinerlu

Illoqarfiup ilaanut Qinngutsinnut illoqarfimmilu nunaminertanut taavalu Nuummit Nuussuarmillu mittarfiup kangiatungaani nunaminertat sanaartorfiunngitsunut attaveqarnissaq attanniarlugu mittarfiup tallineqarnissaanut atatillugu avannaatungaani biilertartunut kiisalu pisuinnarnut, sikkilertartunut il. il. sullorsualiortoqarnissaanut periarfissaqarnissaq qulakkeerneqassaaq.

Sullorsuarmik aqquteqalernissamut periarfissatut mittarfiup avannaatungaatigut uiaqqullugu aqqusinermik pingaarnermik pilersitsisoqarnissaanut periarfissat qulakkeerneqarsinnaapput. Taamaattorli taamaallaat Kommuneqarfik Sermersuumut sanaartornikkut aningaasartuutaanerussanngippat.

Avannaatungaani aqqusineeqqat sanaartorfiunngitsut attanneqassapput.

Qinngutsinnut aqquserngup allanngortinneqarnissaanut atatillugu imermik pilersuinermi aqqutilersuusiortoqarsinnaavoq, taamaalilluni imeqarfik nutaaq Qinngutsinnut pilersuisinnaanngorlugu

Eqalugalissuarmut atatillugu immikkuualuttoq E-mi imeqarfik inissinneqarsinnaavoq. Imeqarfiup inaarutaasumik inissinneqarnissaa Kommuneqarfik Sermersuup Nukissiorfiullu akornanni isumaqatigiinnikkut pissaaq.

 
Eqqissisimatitat allanngutsaaliukkallu Immikkut ittunik aalajangersagaqanngilaq 
Immikkut aalajangersaaffigisat

Ungaluusat innaallagiaqartut pillugit isumannaallisaanermi killeqarfinnut aalajangersakkat ataqqineqassapput ilaatigut immikkoortup iluani ungaluusani sukaasarsuarnit tamanit 15 meterimik ungasitsigisumi ungaluusanik innaallagialinnik ikkusseqqusaannginneratigut, autoværninik saviminiusunik imaluunniit innaallagialinnik allanik ikkussisoqannginneratigut.

Mittarfiup eqqaani isumannaallisaanermut killeqarfinnut atatillugu maleruagassat ataqqineqassapput. Mittarfeqarnermut atatillugu nipiliortarnermut killeqarfinnut maleruagassat sanaartornermi atortussaateqarnermilu ataqqineqassapput. Mittarfiup eqqaani nunaminertat nipiliornermut killeqarfinnut attuumassuteqartut (mittarfimmit 700 meterimik ungasitsigisut) nipiliorfiusussaanngitsunut siunertanut atorneqassanngillat, matumani ineqarfeqarfinnut siunertanut.

Silaannakkut angallassinermi aporfeqanngitsumik mittarfeqarfiup piumasaqaataa sanaartornermi atortussaqarnermilu ataqqineqassaaq. Sanaartornerit atortussaqarnerillu nutaat tamakkununnga akornutaassanngillat.

 
Etaper

Immikkuualuttoq A, kommunimut pilersaarummut tapiliussaq akuersissutigineqarneratigut mittarfik 2200 meterinngorlugu tallineqassaaq.

Kommunimut pilersaarummut tapiliussami una tunngavigalugu immikkuualuttuni tamani teknikkikkut atortulersuutit attavilersuutillu ajornartinneqanngillat.

Immikkuualuttuni B, C, D, E F-imilu sanaartornerit aallartinnissaannut kommunimut pilersaarummut tapiliussamik nutaamik peqalernissaq pisariaqarpoq.

Immikkuualuttut C aamma D atorneqalernissaasa pinnginnerani nunaminertanik qaartiterineq annertooq pisariaqassasoq naatsorsuutigineqarpoq.

Mittarfik eqqarsaatigalugu immikkuualuttoq G-mi kujataata tungaani isumannaallisaanermut killeqarfeqassaaq, taamaalilluni mittarfiup killeqarfiata qaartitikkallu kujataata tungaani killeqarfiup akornanni nunaminertaqassaaq passunneqarsimanngitsumik.

 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 9-9-2018


WEB by COWI