Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 4A8

4A8  Ningitsivimmi inissiaqarfik

Sumiiffik - illoqarfik/nunaqarfik Nuuk 
Siunertat Inissianut siunertat 
Atorneqarnissaa nalinginnaasoq Inissiaqarfiit 
Atorneqarnissaa

Sumiiffik ilaqutariit illuinik, illunik affarleriinnik Illunut sanileriiaanuut inissialiorfissatut inissitaavoq. Sumiiffik immikkuualuttunut 1, 2, 3 aamma 4-mut agguarneqassaaq.

Sumiiffik 1: ilaqutariit illuinut inissaritinneqassaaq. Immikkuualuttumi C-mi sanaartorfimmi
minnerpaamik inissiaq ataaseq.

Sumiiffik 2: illunut affarleriinnut inissaritinneqassaaq. Immikkuualuttumi B-mi sanaartorfinni tamani
minnerpaamik inissiat marluk.

Sumiiffik 3: illunik sanileriiaanut inissaritinneqassaaq.

Sumiiffik 4: sanaartorfiussanngilaq aallaqqaammut, kommunilli teknikkikkut atortut minnerit
akuersissuteqarfigisinnaavai.

 
Pissutsit pioreersut Nunaminertaq sanaartorfigineqanngilaq aamma 8,4 ha-it missaanni annertussuseqarpoq. 
Sanaartorfik

Immikkuualuttuni nutaamik sanaartorneq quleriinni tulliuttuni ingerlanneqarsinnaavoq.

Immikkuualuttoq 1: Ilaqutariinnut illut 1½ quleriillit, illuttut uinganilinnik qaliaqartut.

Immikkoortup ilaa 2: Illut affarleriit marlunnik quleriinnik inissiallit illuanut uinganilimmik qaliallit.

Immikkuualuttoq 3: Illut sanileriiaat quleriinnik marlunnik inissialik illuttut uingasunik qaliaqassaaq.

Immikkuualuttoq 4: Kommune tekinikkikkut atortunik minnernik akuersissuteqarsinnaavoq.

 
Inissaq sinneruttoq

Immikkoortup ilaa inissianut 175-itut amerlatigisunut inissaqarpoq, illuliat inaarutaasumik ilusilersorneqarnerat apeqqutaatillugu. Matuma qulaani illuliornissanut periarfissat nunguppata immikkoortup ilaa tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

 
Angallanneq pilersuinerlu

Sumiiffimmut ingerlaneq Aqqusineq Dronning Margrethe II-mit aqqusiorneqassaaq illoqarfiup
aqqusernga aqqutigalugu.
Tamanut aqqutaasinnaasumik sinersilluni aqqummik katitikkamik aqquteqalernissaq, sumiiffimmik
sanilinut illoqarfiullu sinneranut atasumik aqquteqalernissaq qularnaarneqassaaq.

 
Eqqissisimatitat allanngutsaaliukkallu

Aalajangersaasoqanngilaq

 
Immikkut aalajangersaaffigisat Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat. Nunaminertaq qaartiterutissaasivimmut isumannaallisaaffiusumut ilaatinneqarpoq. Nunaminertap taannartaa nunaminertaq pillugu isumannaallisaanermut aalajangersakkanut akerliusumik sanaatorfigineqassanngilaq allatulluunniit atorneqassanngilaq. Qaartiterutissaasiviup eqqaani nunaminertaq isumannaallisaaffiusoq tamaani angallannermi ataqqineqassaaq kisiannili nunaminertap ungaluugartaqanngitsortaani kikkut tamat suli angalaarsinnaatitaapput. 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 13-3-2018


WEB by COWI