Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 4A9

4A9  Uppittalimmi inissiaqarfik

Sumiiffik - illoqarfik/nunaqarfik Nuuk 
Siunertat Inissianut siunertat 
Atorneqarnissaa nalinginnaasoq Inissiaqarfiit 
Atorneqarnissaa Sumiiffik ilaqutariinnut ataatsinut illutut affarleriittulluunniit ammasutut pukkitsutullu, illutut uilukutsutut imminnut qanittutut pukkitsutut assigisaattut aamma quleriinnik inissiaqarfinnik sanaartorfissatut atugassiissutigineqassasoq aalajangerneqarpoq. Najukkami pilersuinissamut immikkoortup ilaani kioskiliortoqarsinnaavoq, grill-bariliortoqarsinnaavoq assigisaannilluunniit sanasoqarsinnaavoq. 
Pissutsit pioreersut Nunaminertaq sanaartorfigineqanngilaq aamma 6,6 ha-it missaanni annertussuseqarpoq. 
Sanaartorfik Sanaartukkat nutaat ammasut-imminnut qanittut ataatsimik quleriinngorlugit, sanaartukkat imminnut qanittut-pukkitsut amerlanerpaamik 2-nik quleriinngorlugit aamma quleriinnik inissiat 6-nik quleriinngorlugit sanaartorneqarsinnaapput. Nutaanik sanaartortoqannginnerani immikkoortup ilaa tamaat pillugu ataatsimoortumik pilersaarusiortoqaqqaassaaq pilersaarusiamilu illut qanoq ittuunissaat, annertussusissaat, inissisimaffissaat aamma sumiiffiup ineriartortinneqarneranut sukumiisunik aalajangersakkat aalajangersarneqassapput. 
Inissaq sinneruttoq Immikkoortup ilaa inissianut 200-itut amerlatigisunut inissaqarpoq, illuliat inaarutaasumik ilusilersorneqarnerat apeqqutaatillugu. Matuma qulaani illuliornissanut periarfissat nunguppata immikkoortup ilaa tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq. 
Angallanneq pilersuinerlu Sumiiffik Suloraq-iminngaanniit aqqusineqarpoq. 
Eqqissisimatitat allanngutsaaliukkallu Sumiiffimmi aqqusineeraqarnissaa qulakkeerneqassaaq. 
Immikkut aalajangersaaffigisat Mittarfiup eqqaani nunaminertat piumasaqaatitaqarfiusut aalajangersaaffigineqarput, soorlu mittarfiup takissusia eqqarsaatigalugu manissumik ilaatigullu qummut aamma qummut amiliartortumik ilaatigullu mittarfiup takissusia naapertorlugu mikkiartortarfik tingiartortarfillu aalajangersaaffigineqarsimapput. Nunaminertaq mittarfimmut miffissap akornutissaqanngitsup manissup ataaniippoq qummullu sammivimmut ilaatinneqarluni taamaattumik sanaartukkat atortulersuutillu portunerpaaffimmikkut 127,5-init portunerusut sanaartorneqassanngillat aamma aqquserngit 121,5-inik portunerusut sanaartoqqusaanngillat. Nunaminertaq qaartiterutissaasivimmut isumannaallisaaffiusumut ilaatinneqarpoq. Nunaminertap taannartaa nunaminertaq pillugu isumannaallisaanermut aalajangersakkanut akerliusumik sanaatorfigineqassanngilaq allatulluunniit atorneqassanngilaq. Qaartiterutissaasiviup eqqaani nunaminertaq isumannaallisaaffiusoq tamaani angallannermi ataqqineqassaaq kisiannili nunaminertap ungaluugartaqanngitsortaani kikkut tamat suli angalaarsinnaatitaapput. 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 3-4-2017


WEB by COWI