4D10  Nunataq sanaartorfiussanngitsoq (Aqqusineqartitsineq sineriallu atuarlugu aqquteeraqarneq)

Immikkoortup ilaata siunertanut pinngortitaqarfittut atorneqarnissaa aalajangerneqarpoq. Sumiiffiup iluani atortulersuutinik allanik pisariaqartunik sanaartortoqarsinnaavoq, aammalu qaqqami salliarnaq qaartiterlugu aqqusinniornissamut atatillugu nunagissaasoqarsinnaalluni, imaluunniit Qinngutta Siorarsiorfiullu akornanni sullorsuarmik ingerlatsisoqarsinnaalluni aammalu sineriak sinerlugu aqquteeqqamik asiariartarfinnillu sanasoqarsinnaalluni.

Sukisaarsaarnermut tunngasunik atugassani annertunngitsuinnarnik nutaanik illuliortoqarlunilu atortulersuusiortoqarsinnaavoq.

Nunap qaavani sanaartortoqaranilu atortulersuutiliortoqassanngilaq, atortulersuutinik imaluunniit sullorsualiornermi aqqusinniornermiluunniit akornusersuutaasussanik.

Immikkut ittunik aalajangersagaqanngilaq 

Sumiiffik Qinngutsinniit Aqqusineq Dronning Margrethe II aqqusaarlugu aammalu Siorarsiorfimmi aqqutikkut pingaarnikkut aqqusineqartinneqassaaq.

Qinngorput aamma Siorarsiorfiup akornanni aqqusiniliornissamut nunaminertamik qulakkeerisoqassaaq. Qinngutsinni Aqqusineq Dronning Margrethe II-p aamma Siorarsiorfimmi aqquserngup pingaarnerup akornanni qaqqap salliarnaata qaartiterneratigut nunap qaavani aqqusinniortoqarsinnaavoq imaluunniit aqqut tamanna atuarlugu sullorsualiorluni aqqutiliortoqarsinnaavoq.

Sissaq sinerlugu qaartiterisoqarneratigut nunamilluunniit immersuinikkut nunaminertamik qulakkeerinnittoqassaaq.

Sineriak sinerlugu aqqutiliornissamut nunaminertamik qulakkeerisoqassaaq. Sissami aqqusineeraq aallaaviatigut immamiit kote 10-mik qaffasinnerusumiissaaq.

Narlorissumik aammalu suluunnartut ilusilimmik mittarfiup tallilerneqarnerani mikkiartornermi qangattalernermilu qaavisa aporfeqanngitsoqarnerisigut mittarfiup eqqaani killeqarfiit aalajangersagartaqartinneqassapput. Immikkoortoq mittarfimmut aporfeqanngitsup ataaniippoq narlorissullu inissisimanerata ilaanut ilaalluni, tassanilu illut nunamiit illuliat nuuata tungaanut 127,5 qaangerlugu sanaartoqqusaanatik aqquserngillu sanaartorneqarnerini 121,5 qaangeqqusaanagu.

Qaartiterutaasivimmut isumannaallisaanermut killeqarfeqarfimmut sumiiffik ilaavoq. Sumiiffiup ilaa tamanna illuliorfigineqassanngilaq allatulluunniit killeqarfimmut aalajangersakkanut naapertuutinngitsumik atorneqassanngilaq. Qaartiterutaasiviup isumannaallisaanermut killigititaa sumiiffimmi angalanermi ataqqineqassaaq, taassumali ilaa ungaluneqarsimanngitsoq tamanut ammaannassaaq. Qaartiterutissaasivik allamut nuunneqarpat isumannaallisaassutitut killilersuut atorunnaassaaq.

Immikkut ittunik aalajangersagaqanngilaq 

Immikkut ittunik aalajangersagaqanngilaq