Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 4E2

4E2 

Ulloq inaarutaasumik akuerissutigineqarnera 5. juuni 2018 
Sumiiffik - illoqarfik/nunaqarfik Nuuk 
Siunertat Teknikkimut atortut attaveqaatillu 
Atorneqarnissaa nalinginnaasoq Teknikkikkut atortulersuutit attaveqaatillu 
Atorneqarnissaa

Immikkoortup ilaa teknikkikkut atortuulersuutinut soorlu antenneqarfittut aamma telekkut attaveqaatinut sullissivittut ittunut atugassiissutigineqarpoq.

Immikkoortup ilaani ilut najugaqarfittut atorneqassanngillat.
Nunaminertat antenneqarfimmut, aqqusinernut il.il. atugassiissutigineqanngitsut pinngortitat attorneqarsimanngitsutut issapput.

Nunaminertat sanaartorfigineqanngitsut saligaatsuutinneqassapput. Nunaminertamik atuineq avatangiisinut
akornutaapput piumasaqaatigineqartumilluunniit allaanerusumik atorneqarpat nunaminertap ungaluugalersorneqarnissaa Kommunalbestyrelsip piumasaqaatigisinnaavaa.

 
Sanaartorfik

Ilanngussami 2-imi takutinneqartutut sanaartorfissatut aalajangersaaffigineqarsimasuni taamaallaat
illuliortoqarsinnaallunilu atortulersuusersortoqarsinnaavoq.

Illut ataatsimik quleriinngorlugit sananeqarsinnaapput. Illut nutaat immikkoortup ilaata nunataa eqqarsaatigalugu ilusilersorneqassapput.

Telekkut attaveqaatinut antenneqarfiup ingerlanneqarnissaanut pisariaqartinneqartunik illuliortoqarsinnaallunilu atortulersuusersortoqarsinnaavoq. Aamma antenneqarfiup ingerlanneqarnissaa nakkutigineqarnissaalu eqqarsaatigalugit teknikerinut sullissivittullu illuliortoqarsinnaavoq.

 
Inissaq sinneruttoq

Kommunimut pilersaarummut tapiliussami matumani sanaartorfissat tamarmik atorneqareerpata immikkoortup ilaa sanaartoqqinnissanut inissaarussimassaaq.

 
Angallanneq pilersuinerlu

Immikkoortup ilaa immikkoortup ilaa 4B4 aqqutigalugu aqqusineqassaaq.

Aammattaaq ilanngussami x-imi tunngavittut takutinneqartutut immikkoortup ilaatigoortunik nunaminertamik
sukisaarsaatigalugu aqqusineeqqanut aqqutinullu qulakkeerinnittoqassaaq.

Immikkoortup ilaani tassunga pilersuinissamut teknikikkut atortulersuusersortoqarsinnaavoq. Atortulersuutit illut nunaminertallu sanaartorfigineqanngitsut eqqarsaatigalugit inissinneqarlutillu ilusilersorneqassapput.

 
Eqqissisimatitat allanngutsaaliukkallu

Illut atortulersuutillu nuna avatangiiserisaq ataqqillugu eqqarsarluarlunilu inissinneqassapput.

 
Immikkut aalajangersaaffigisat

Mittarfiup eqqaani nunaminertatut manissutut akornuteqanngitsutut ilaatigut qummut sammisunik manissunillu ilaatigullu mittarfiup isua ilallugu mikkiartorfittalittut tingiartorfittalittullu ittunik pilimmik nunaminertamik piumasaqaatitaqarfiusumik aalajangersaasoqarpoq. Immikkoortup ilaa mittarfimmut mikkiartorffissamut akornutaanngilaq aamma manissumik nunaminertaqarpoq, tassanilu illut atortulersuutillu qatsissutsimit 127,5-mit qatsinnerusumi aamma aqquserngit qatsissutsimit 121,5-mit qatsinnerusumi sananeqassanngillat.

Immikkoortup ilaani 4E1-imi qaartiterutissanik atortunillu amerlanerpaanik qaartiterutissaasivimmut nunaminertamik isumannaallisaaffiusumik aalajangersaasoqarpoq. Qaartiterutissaasivik qaarsumit aalajangersimasumit tamakkerluni asserneqarsimappat isumannaallisaaneq eqqarsaatigalugu illumut, aqqusinermut il.il. ungasissutsit affaannanngortillugit tamakkiisumik asseqqasumiissapput. Qaartiterutissaasiviup eqqaani nunaminertat isumannaallisaaffiusut 1380 meteriusoq aamma 690 meteriusoq aalajangersaaffigineqarpoq. Nunaminertamut ungalusaanngitsumut kikkut tamat suli isersinnaapput. Qaartiterutissaasivimmik nuussinermi nunaminertaq isumannaallisaaffiusoq atorunnaarsinneqassaaq.

 
Illoqarfimmik nutarterineq pitsaanerulersitsinerlu

Immikkut ittunik aalajangersagaqanngilaq

 
Etaper

Immikkut ittunik aalajangersagaqanngilaq

 





Kingullermik iluarsineqarpoq 20-6-2018


WEB by COWI