Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq 5C1

5C1  Siorarsiorfimmi illoqarfiup qeqqa

Sumiiffik - illoqarfik/nunaqarfik Nuuk 
Siunertat Inuussutissarsiuteqarfik umiarsualiveqarfillu 
Atorneqarnissaa nalinginnaasoq Nunaminertat ataatsimoorussassatut siunertaqarfigineqartut 
Atorneqarnissaa

Immikkoortoq siunertanut ataatsimoorussanut atorneqassasoq aalajangersarneqarpoq, soorlu atuarfinnut, meeqqerivinnut, kulturikkut timersornikkullu atortorissaarutinut aamma pisortat siunertaannut tamakkununnga assingusunut, taamatullu qeqqani atuuffiit soorlu pisiniarfiit, kiffartuussiviit, namminersortut inuussutissarsiutaat aamma inissiarsuit.

Immikkoortoq immikkoortup ilaanut pingasunut aggulunneqassaaq:

Immikkuualuttoq 1: Immikkoortoq siunertanut ataatsimoorussanut soorlu atuarfimmut, ukioqatigiinngitsunut meeqqerivik meeraaqqerivittalik, AKO (Atuareernerup Kingorga Ornittakkat), kulturikkut timersornermilu atortorissaarutinut aamma pisortat siunertaannut assingusunut.

Immikkuualuttoq 2: Sumiiffiup atorneqarnera qitiusoqarfimmi siunertanut illoqarfimmi pisariaqartut ilanngullugit aalajangersarneqassaaq, soorlu: Pisiniarfiit, namminersortut, (ussassaarusiornermik suliaqartartut, qarasaasialerisut, eqqartuussissuserisut, illussanik titartaasartut, ingeniørit, illunik tuniniaasartut, kukkunersiuisut assigisaalu), nakorsiartarfiit (kigutilerisoq, fodterapeut, tarnip pissusiinik ilisimasalik assigisaalu), kiffartuussiviit, pisortat allaffii, inissiat, hoteli, neriniartarfik, biilinik inissiisarfik teknikkimullu tunngasut pisariaqartut assigisaalu.

Immikkoortup ilaa 3: Immikkoortoq illoqarfimmi illoqannginnersatut biilinik angallaffiunngitsutut atorneqassaaq pisortat siunertaannut, kiisalu teknikkikkut attaveqaatinullu atortuusivittut, taamatullu Umiarsualivimmi bussimut talittarfittut, nunniukkatut, qaannanik inissiisarfittut, nasiffittut, illoqarfimmi eqqumiitsulianik inissiivittut il.il.

 
Sanaartorfik

Inissiat 4-nik qulereeqarsinnaapput, immikkuualuttoq 3-mili ataatsimik quleriinnit amerlanerussanngillat

 
Inissaq sinneruttoq

Immikkoortoq nunataqarpoq 5,1 ha missaanik angissusilimmik.

Immikkoortoq 24.000 m²-nik meeqqeriviliorfissamik inissaqarpoq, inissianillu 50-nik sanaartornissamut periarfissaqarluni sanaartukkat inaarutaasumik ilusilersorneqarnerat aalajangiisuulluni.

Matuma qulaani sanaartorfissat atorneqareerpata, immikkoortoq tamakkerluni sanaartorfigineqareersutut sinneruttunillu inissaqartitsiffiunngitsutut isigineqalissaaq.

 
Angallanneq pilersuinerlu

Immikkoortoq Siorarsiorfiup pingaarnertut aqqusernganiit aqqusineqassaaq – ilaatigut Qinngutsinni Aqqusineq Dronning Margrethe II-miit tallineqartumit aallartissalluni.

 
Eqqissisimatitat allanngutsaaliukkallu

Nunaminertaq sissap sinaaniittoq aamma nuunnguaq anginerusunik sanaartorfigineqassanngillat. Imartaq immersorneqarsinnaavoq talittarfimmik sissiukkamillu pilersitsisoqarsinnaalluni.

 
Immikkut aalajangersaaffigisat

Mittarfiup eqqaani immikkut ittumik aalajangersagaqarpoq, mittarfiup tallissutaatut atuuttumik, nallarissup iluani aamma nunap immamit qatsinnerussusianut aalajangiussat iluanni mikkiartornermi qangattalernermilu akornutaasoqaqqunagu. Immikkoortortaq mittarfimmut akornutaasussaanngitsup ataaniippoq tassaalluni nallarissoq tassani illut sanaartukkallu immamit qatsinnerussusissaat assigiinngisitaarlutik, nunamit immap tungaanut qatsinnerulersinnaallutik.

 
Illoqarfimmik nutarterineq pitsaanerulersitsinerlu

Immikkut ittunik aalajangersagaqanngilaq  

 
Etaper

Immikkut ittunik aalajangersagaqanngilaq  

 





Kingullermik iluarsineqarpoq 13-3-2018


WEB by COWI