5D2  Nunataq sanaartorfiussanngitsoq Siorarsiorfiup Kujataa

Sumiiffik - illoqarfik/nunaqarfik Nuuk 
Siunertat Nunaminertat sanaartorfigeqqusaanngitsut 
Atorneqarnissaa nalinginnaasoq Nunaminertat sanaartorfigeqqusaanngitsut sunngiffimmilu sammisassaqartitsinermi atortulersuutit 
Atorneqarnissaa

Immikkoortup ilaata siunertanut pinngortitaqarfittut atorneqarnissaa aalajangerneqarpoq. Sumiiffiup asiartarfittut atorneqarnissaa qulakkeerniarlugu, Sissaq sinerlugu aqqutiliornissaq aqqusinniornissarlu aamma periarfissaassaaq, illoqarfiup nutaartassaanut Siorarsiorfimmut aqqusinernut aqquteeqqanullu allanut atanilerlugu.

Nunataani qaqqamillu qaartitsinikkut aqqusinniortoqarsinnaavoq.

 
Sanaartorfik

Sukisaarsaarnermut tunngasunik atugassani annertunngitsuinnarnik nutaanik illuliortoqarlunilu atortulersuusiortoqarsinnaavoq.

Taamaattorli illoqarfiup nutaap ilaani, immikkoortut ilaani aqqusinernut atalersumik Kangerluarsunnguami immikkoortut tungaannut pingaarnertut aqqusinniortoqarsinnaanera periarfissiissutigineqarpoq.

 
Inissaq sinneruttoq

Immikkut ittunik aalajangersagaqanngilaq  

 
Angallanneq pilersuinerlu

Immikkoortoq Siorarsiorfiup pingaarnertut aqqusernganiit aqqusineqassaaq – ilaatigut Qinngutsinni Aqqusineq Dronning Margrethe II-miit aallartissalluni.

 
Eqqissisimatitat allanngutsaaliukkallu

Immikkut ittunik aalajangersagaqanngilaq  

 
Immikkut aalajangersaaffigisat

Immikkut ittumik killeqarfeqarpoq, mittarfiup tallilerneqarnerani mikkiartornermi qangattalernermilu killeqarfiit silarleq ilorlerlu atuupput akornutaasoqaqqunagu. Immikkoortoq mittarfimmut akornutaannginnissamut piumasaqaatinit appasinnerusumiippoq, piumasaqaateqarfiullu titarnerup silarliup (koniske flade) iluaniilluni, illut aamma atortulersuutit nunamiit uuttorlugu portunerpaaffii assigiinngillat killeqarfiulli ilorliup (horisontalfladen) avataaniillutik, tassa killeqarfiit ilorliup silarliullu akornaniillutik (positiv hældning).

 
Illoqarfimmik nutarterineq pitsaanerulersitsinerlu

Immikkut ittunik aalajangersagaqanngilaq  

 
Etaper

Immikkut ittunik aalajangersagaqanngilaq