Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq K20

K20  Qooqqut (Nuup kangerlua)

Sumiiffik - illoqarfik/nunaqarfik Nunaannaq 
Siunertat Illuaqqat, sunngiffimmi illut il.il. 
Atorneqarnissaa nalinginnaasoq Illuaqqat, sunngiffimmi illut, illut aasarsiortarfiit il.il. 
Atorneqarnissaa Sumiiffiup sunngiffimmi illuaqqanut illunullu aasarsiortarfinnut ukioq naallugu najugaqarfiusussaanngitsunut atugassiissutigineqarnissaa aalajangerneqarpoq. Sumiiffimmi killilinnik amerlassusilinnik takornarianut illuaqqanik illuaqqanillu piniariartarfinnik sanaartortoqarsinnaavoq, tamakku amerlassusiisa sumiiffimmi sunngiffimmi illuaqqanut illunullu aasarsiortarfinnut il.il. atugassiissutigineqarnera allanngortinngippatigit. Namminersorluni ingerlatanut atorneqarsinnaasunik inuussutissarsiuteqarfinnik mikinerusunik soorlu panersiivinnik, pujoorivinnik, naatsiivilerinernut assigisaannillu, tamakku nammineq atugassaappata, pilersitsisoqarsinnaavoq. Atortut tamakku illuaqqanut ataasiakkaanut atatillugit pilersinneqassapput. 
Pissutsit pioreersut Nunaminertaq ilaannakortumik sanaartorfigineqareerpoq. 
Sanaartorfik Illuaqqat nutaat illuaqqamut qaninnerpaamut minnerpaamik 60 meterinik ungasitsigisukkut sanaartorneqassapput. Sunngiffimmi illuaqqat illullu aasarsiortarfiit portunerpaaffimmikkut aappaa avillugu quleriinngorlugit, tassa qalia atorlugu aamma illup portunerpaaffissaanit 6 meterinit portunerutinnagit sanaartorneqassapput. Illuaqqat nutaat tunngaveqarfiat annerpaamik 40 m²-iussapput. Toqqaaviit pukkinnerpaaffimmikkut 1 meterinik portussuseqassapput. Sanaartukkat avatangiisinut takussunarsaataannginniassammata ingerlaavartumik aserfallatsaaliorneqassapput. 
Inissaq sinneruttoq Sumiiffik 50 ha-it missaannik annertussuseqarpoq. Sumiiffimmi inissani sinneruttuni illuaqqat 15-it inissaqarput, tamakku inaarutaasumik ilusilersorneqarnerat apeqqutaatillugu. Matuma qulaani sanaartornissamut periarfissat taaneqartut atorneqareerpata sumiiffik sinneruttunik inissaarullugu tamakkerlutu sanaartorfigineqareersimassaaq. 
Angallanneq pilersuinerlu Aqquserniortoqassanngilaq, biilinut aqqusiortoqassanngilaq, aqqusineeraliortoqassanngilaq, puttasuliortoqassanngilaq ataatsimulluunniit teknikkikkut pilersuutinik ikkussuisoqassanngilaq. Teknikkikkut pilersuutit illuaqqanut ataasiakkaanut attuumassutilittut immikkoortutut atortulersuutitut taamaallaat ikkussuisoqarsinnaavoq. Tamakku assersuutigalugu tassaasinnaapput innaallagissiuutit generatorit, seqinisaatit atortulluunniit allat nukissiornermut atortut. Atortut mikinerusut allat atorneqartillutik eqqaamiunut nipimik, putsumik, tipimik, sajuppillattarnernik allatulluunnit akornutaasinnaajunnaarlugit taamaallaat ikkussuunneqarsinnaapput. Eqqakkat aalajangersimasut ikuallanneqanngikkunik nassarneqartassapput. Illunut pinngortitamulluunniit eqqaamiorisanut akornutaanngitsumik ikuallaasoqassaaq. Anartarfilerinernut anartarfiit spanditaat, imaat immamut toqqaannartumik iginneqartartut imaluunniit allanut avatangiisinulluunniit akornutaanngitsumik allamut kuutsinneqartartut, atorneqarsinnaapput. Assersuutigalugu illuni nusuinnartakkanik perusuersartarfilinni imikoq aamma taamatut kuutsinneqassaaq. 
Eqqissisimatitat allanngutsaaliukkallu Immikkut ittunik aalajangersagaqanngilaq 
Immikkut aalajangersaaffigisat Immikkut ittunik aalajangersagaqanngilaq 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 3-4-2017


WEB by COWI