Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq L5

L5  Kuungamiit

Sumiiffik - illoqarfik/nunaqarfik Nunaannaq 
Siunertat Sukisaarsartarfiit immikkut ittut 
Atorneqarnissaa nalinginnaasoq Nunaminertat sukisaarsartarfittut immikkut isikkullit 
Atorneqarnissaa Sumiiffiup sumiiffimmi sunngiffimmut siunertanut atatillugu sanaartukkanut atortulersuutinullu atugassiissutigineqarnissaa aalajangerneqarpoq. Nunap immikkoortua aasaanerani asiartarfittut atorneqassaaq. Sumiiffiup pingaarnertut immikkut ittumik sukisaarsartarfiunera allanngortinngikkaanni sumiiffimmi inuussutissarsiutinik nutaanik pilersitsiffiusinnaavoq. Tamatumunnga ilassutitut nammineq atugassanik killilinnik amerlassusilinnik sunngiffimmi illuaqqiortoqarsinnaavoq illunillu aasarsiortarfiliortoqarsinnaalluni kiisalu illuaqqanik piniariartarfinnik aniguiniarnermullu atugassanik pilersitsisoqarsinnaavoq. 
Pissutsit pioreersut Sumiiffik 11 ha-it missaannik annertussuseqarpoq. Nunaminertaq pinngortitatut attorneqanngitsutut isikkoqarneruvoq sulilu sanaartorfigineqarani. 
Sanaartorfik Sanaartukkat illuaqqamut sanaartukkamulluunniit allamut eqqaamiorisamut minnerpaamik 30 meterinik ungasissuseqartillugit sananeqassapput. Sanaartukkat atortulersuutillu tamarmik avatangiisinut pisariaqanngitsumik takussunarsaataannginniassammata ingerlaavartumik aserfallatsaaliorneqassapput. 
Inissaq sinneruttoq Immikkut ittunik aalajangersagaqanngilaq 
Angallanneq pilersuinerlu Atortulersuutinut sanaartukkanullu atasunik aqquserniortoqarsinnaavoq, aqqusiortoqarsinnaavoq aqqusineeraliortoqarsinnaallunilu. Sumiiffinni pilersuinernut ataasiakkaanut innaallagissamut imermullu atortulersuusersortoqarsinnaallunilu kuuffissualersortoqarsinnaavoq. Imermik milluaatinik atortulersorneq imikumillu kuutsitsiviliorneq annertunerusunillu nukissiuusersuinerit Naalakkersuisut akuerisaannik aatsaat pissapput. Tamakkununnga tunngatillugu teknikkikkut pilersuusiortoqarsinnaavoq, aamma illuaqqanut ataasiakkaanut atasunik assersuutigalugit innaallagissiuutit, seqinisaatit atortulluunniit allat nukissiornermulluunniit atortunik allanik ikkussuisoqarsinnaavoq. Atortut assigiinngitsut atorneqartillutik nipimik, putsumik, tipimik, sajuppillatsitsisarnernik allatulluunniit ajoqutaasinnaasut aamma sumiiffimmi sukisaarsartarfiusumi atortunut toqqaannartumik attuumassuteqanngitsut ikkussuunneqassanngillat. Eqqakkat aalajangersimasut ikuallanneqanngikkunik nassarneqartassapput. Illunut pinngortitamulluunniit eqqaamiorisanut akornutaanngitsumik ikuallaasoqassaaq. Anartarfilerinernut anartarfiit spanditaat, imaat immamut toqqaannartumik iginneqartartut imaluunniit allanut avatangiisinulluunniit akornutaanngitsumik allamut kuutsinneqartartut, atorneqarsinnaapput. Assersuutigalugu illuni nusuinnartakkanik perusuersartarfilinni imikoq aamma taamatut kuutsinneqassaaq. 
Eqqissisimatitat allanngutsaaliukkallu Immikkut ittunik aalajangersagaqanngilaq 
Immikkut aalajangersaaffigisat Immikkut ittunik aalajangersagaqanngilaq 
Aalajangersakkat immikkut ittut Immikkut ittunik aalajangersagaqanngilaq 





Kingullermik iluarsineqarpoq 3-4-2017


WEB by COWI