Nuuk Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Uaniipputit: Illoqarfinni nunaqarfinnilu malittarisassat Immikkoortunut pilersaarutit Akuerisaq O8

O8  INUILAARSUAQ, SILAMI TAKORNARIAQARTITSINERMI SAMMISAT

Sumiiffik - illoqarfik/nunaqarfik Nunaannaq 
Siunertat Nunaminertat sanaartorfigeqqusaanngitsut 
Atorneqarnissaa nalinginnaasoq Nunaminertat sanaartorfigeqqusaanngitsut 
Atorneqarnissaa

Nuna pinngortitatut innarlerneqanngitsutut inissisimavoq atortorissaarutinik imaluunniit atajuartussatut pissusilinnik sanaartukkanik akuliuffigineqartussaanngitsoq minnerpaamik 5 kilometerip iluani. Nuna inissisimavoq sammisanut pingaartumik sukisaarsarfinnut sammiveqartunut, aalajangersimanerusumut atorneqartussatut soorlu akuersissuteqarfittut takornariaqartitsinermi sammisanut soorlu qulimiguulimmiit sisorarneq ilanngullugu, skitouring, ujakkaarneq, aputisiutinik pisuuteqarluni pisuttuarneq, qimusserneq, qamuteralanneq, pisunneq, majuarneq qaqqasiornerlu, sikumut sermersuarmullu majuarneq, sikumi sermersuarmilu pisunneq il.il. Tassani utaqqiisaagallartumik tammaarfinnik tupeqarfinnillu pilersitsisoqarsinnaavoq, pingaarnertut inuilaarsuartut isikkulimmik amerlassusii annertussusaalu allanngortitsinngippata. Tammaarfiit
tuperfiillu inissinnerini, tamatigorluinnaq pissutsinik atuuttut nalilersoqqissaarneqassapput, qanittumi nunallu assigiinngitsut akornanni illersugaanermi soqutigisat atuuttut naapertorlugit, taamaalilluni uumasut nunallu naasuisa sunnertinnerisa minnerpaaffiat ujarneqarniassammat.

 
Sanaartorfik

Immikkoortuni O-ni piniariartarfiit/illuaqqat imalunniit takornarnianut illuaqqat killeqartut pilersinneqarsinnaapput, taakkuli amerlassutsimikkut eqimassutsimikkullu sumiiffiup sanaartorfiunngitsutut ilusaanik allanngortitsinngippata. Illuaqqat annanniarfissallu tamanit tikinneqarsinnaasumiitinneqassapput. Sunngiffimmi illuaraatit annerpaamik nunaminertartaata etagearealia 20 kvadratmeteriussaaq 1½-millu qulereeqassaaq annerpaamik 6 meterimik portussusilimmik. Takornarnianut illuaqqat annerpaamik nunaminertartaata etagearealia 60 kvadratmeteriussaaq 1½- millu qulereeqassaq annerpaamik 6 meteritut portussusilimmik. Illuaqqat akorngisa minnerpaamik 1000 meteriunissaat qulakkeerneqarsimassaaq. Sanaartorfissap inaarutaasumik inissinneqarnera Kommuneqarfik Sermersooq oqaloqatigalugu pissaaq immikkoortut ataasiakkaat akuersissutigineqarnerinut nunaminertamik atugassiisoqarneranut
atatillugu.

 
Inissaq sinneruttoq

Immikkoortoq katillugu 38.400 km2 missaanik nunataqarpoq. 

 
Angallanneq pilersuinerlu

Sumiiffiup tikinneqarnissaanut helikopterit atorneqarnissaat qulakkeerneqassaaq. Angallassissutit motoorillit allat atorneqassappata, aqqutiliortoqaqqaarnissaa pisariaqarpoq, imaluunniit siusinaarluni akuersissummik pissarsiniaqqaartoqartariaqarpoq. Sumiiffiit aqqusaarlugit pisuinnarnut aqqutissanik nalunaaqutsersuisoqarsinnaavoq.

 
Eqqissisimatitat allanngutsaaliukkallu

Immikkoortut ilaat eqqartorneqarsinnaavoq inuilaarsuartut eriagisassatut, tassani mingutsitsisoqassanngilaq ajoqusiisoqaranilu makkuninnga; kuunnik kuussuarnillu, itisiligassaanngitsullu naasutut pissuseqatigiit nunallu qaava ilanngullugu.

 
Immikkut aalajangersaaffigisat

Immikkut ittunik peqqussuteqanngilaq.

 
Aalajangersakkat immikkut ittut

Tammaarfinnit tuperfinnillu pilersitsinermi peqqussutit immikkut ittut aalajangersorneqassapput eqqakkat aalajangersimasut piiarnissaat anartarfiillu pillugit.
Akuersissuteqartarneq atorneqalersinnaavoq akuersissutit pisariaqartut pissarsiarineqarniariarpata.

 





Kingullermik iluarsineqarpoq 9-9-2018


WEB by COWI