Nuuk Kapisillit Qeqertarsuatsiaat Paamiut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Nuuk

Inuttusiartuinnarneq taamaaginnartoq – ukiorpassuarnilu suli taamaassalluni – Nuummi atugassaavoq. Pilersaarusiornikkkut illoqarfiup attanneqarsinnaasumik qanoq ineriartortinneqarsinnaanera inissinneqassaaq.

Alla Nuup pilersaarusiorneqarneranut pingaaruteqarluinnartoq tassaavoq Nuup inuussutissarsiornikkut Kalaallit Nunaanni qitiulluinnarnera. Tamatuma Nuuk periarfissanik ineriartortitsinissamut aamma suliffeqarfinnik naammattunik pilersitsinissamut akisussaaffilerneqarpoq. Atlatikukkoorutinut umiarsualiviup Qeqertanut nuunneqarnissaa inuussutissarsiutinik pilersaarusiornermut pingaaruteqarluinnartuuvoq, nunaminertanilli inuussutissarsiuteqarfiusunik pisariaqartitsineq eqqartussallugu pingaaruteqarluinnartuuvoq.

Inoqarfimmi inuiaqatigiit ilisarnaataat aaneqarsinnaavoq uani: nuuk_kal_final.pdf
 

Nuup eqqaani nunaqarfiit

Nunaqarfiit arlariit piffissami matumani inukilliartorput, Nuummulli qanittumi inissisimanerat pissutigalugu imatut inukilliartupiloornermik misigisaqarfiunngillat.

Kapisillit

Kapisillit takornarianit Nuummeersunit angallataatilinnit takornarianillu tikeraarfiusarpoq. Nuup eqqaani sukisaarsarfiusinnaasoq annertooq ullumikkut piviusunngortinneqareerpoq. Nunaqarfiup annerusumik ineriartortinneqarnissaani marloqiusamik inissisimanera, sumiiffimmi inoqarfittut aamma sukisaarsaarfigalugu anersaartorfittut kiisalu takornariaqarnermi tapertatut, ingerlatiinnarneqassaaq.

Qeqertarsuatsiaat

Nunaqarfik immikkuullarissumi inissisimavoq, allileriffigineqarsinnaanera allatullu aaqqissuussivigineqarsinnaanera periarfissaqarpallaarani. Nunaqarfiulli sullissiviit pingaarutillit pigivai taakkulu siunertaq malillugu ingerlanneqarput, tamaammallu piffissami pilersaarusiornissaq killilerujussuarmik pisariaqartinneqassaaq.
 

Immikkoortut ilaannik allannguineq

Aalajangersakkat annikitsumik iluarsiivigineqarput, ilusaa Inatsisatut inatsisaat nr. 17-imi (pilersaarusiorneq aamma nunaminertamik atuineq pillugu inatsit) , § 20-mut naapertuuttunngorlugit. Aamma nalinginnaasumik aalajangersakkat aalajangersakkanut pingaarnernut sukumiisunut ilanngunneqarput.

Immikkoortut ilaasa killeqarfilerneri arlalitsigut allanngortinneqarput, qulequttanut pingasunut immikkoortinneqarlutik ataatsimoortinneqartunik:

  • Immikkkoortut ilaanik iluarsiineq, immikkoortutut qitiutinneqarlutik toqqakkat kissaatigisatut ineriartortinnissaannut allanngortinnissaannullu  tunngavissaqarnissaat qulakkeerumallugu.
  • Sineriak sinerlugu ataqatigiissumik tamanut attaveqaateqarnissaanik tunngaviup qulakkerneqarnissaata malitsigisaanik iluarsiinerit.
  • Nutarterinerit, pingaarnertut aalajangersakkat assigiingitsut pissutigalugit nutarterneqarsimanngitsunik.

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.
 

Immikkoortut ilai

 

Nuup eqqaa





Kingullermik iluarsineqarpoq 11-10-2018


WEB by COWI