Nuuk Paamiut Arsuk Ivittuut Ittoqqortoormiit Tasiilaq Aalajangersakkat nalinginnaasut A-miit E-mut aalajangersakkat nalinginnaasut Nunap assinganik ujarlerfik

Arsuk

Kommunip kujataani Arsuup kangerlua Kalaallit Nunaata kujataanut attuumassuteqarluarpoq. Peqatigitillugu Kalaallit Nunaanni sakkutooqarfik piffissami Nuummut nuunneqarpoq. Tamatuma kinguneranik kommunip kujaterpiaani immikkoortoq annertooq qitiutillugu suliassaq piffissami aggersumi aallartinneqassaaq, tassaalu Arsuk, Ivittuut Kangilinnguillu eqqaat kisalu Ikkami immikkoortut eqqissisimatitat pillugit.

Immikkoortuni ukunani immikkoortumut periusissaq Arsummut immikkoortumullu tamarmut kingunissat ilanngullugit allaaserineqarput. 

Inoqarfimmi inuiaqatigiit ilisarnaataat aaneqarsinnaavoq uani: arsuk_kal_final.pdf
 

Immikkoortut ilaasa allannguiffigineri

Aalajangersakkat annikitsumik iluarsiivigineqarput, ilusaa Inatsisatut inatsisaat nr. 17-imi (pilersaarusiorneq aamma nunaminertamik atuineq pillugu inatsit) , § 20-mut naapertuuttunngorlugit. Aamma nalinginnaasumik aalajangersakkat aalajangersakkanut pingaarnernut sukumiisunut ilanngunneqarput.

Immikkoortut ilaasa killeqarfilerneri arlalitsigut allanngortinneqarput, qulequttanut pingasunut immikkoortinneqarlutik ataatsimoortinneqartunik:

  • Immikkkoortut ilaanik iluarsiineq, immikkoortutut qitiutinneqarlutik toqqakkat kissaatigisatut ineriartortinnissaannut allanngortinnissaannullu  tunngavissaqarnissaat qulakkeerumallugu.
  • Sineriak sinerlugu ataqatigiissumik tamanut attaveqaateqarnissaanik tunngaviup qulakkerneqarnissaata malitsigisaanik iluarsiinerit.
  • Nutarterinerit, pingaarnertut aalajangersakkat assigiingitsut pissutigalugit nutarterneqarsimanngitsunik.

Aalajangersakkat nalinginnaasut kommunimi illoqarfinnut, nunaqarfinnut asimullu tamanut atuupput. Aalajangersakkat nalinginnaasuupput aamma najukkami immikkoortut ilaanni pissutsinik eqqarsaatiginnittuunatik. Taamatut aalajangersagaqarnermi siunertarineqartut tassaapput innuttaasut tunngaviusumik aalajangersakkanik assigiinnik aamma illoqarfinni, nunaqarfinni asimilu assigiinnik atugassaqartitsilluni tunineqarnissaat. Aalajangersakkani nalinginnaasuni illoqarfinni tamani tigussaasunik pilersaarusiornerit nunaminertanillu aqutsinerit ataatsimut malittarisassiorneqarnissaat anguniagaavoq.
 

Immikkoortut ilai






Kingullermik iluarsineqarpoq 11-9-2017


WEB by COWI