Pilersaarusiornermut nassuiaat Innuttaasut ineriartornerat Killiffik periarfissaanngilaq Nunami ineriartortitsiviusut Nunasseriaaseq nussoriaaserlu Pilersaarutit immikkoortunut attuumassusillit Sammisanut pilersaarutit Pilersaarutit atuuttut Pilersaarutinik atorunnaarsitsinerit

Killiffik periarfissaanngilaq

Nunap immikkoortui nassuiarneqartut pingasut atugassatigut assigiinngitsorujussuarnik atugassaqartinneqarput periarfissaqarlutillu, periarfissallu pineqartillugit nunap immikkoortuani sumi inissisimaneq aallaaviulluinnarpoq. Ukiuni kingullerni 30-ni innuttaasut pitsaavallaanngitsumik eqiterukkiartornerisa inooqataaffigineqarsinnaasumik attanneqarsinnaasunngorlugu suliariniarnera annerpaamik unammilligassaavoq:

  • Nuuk ineriartorneq sutigut tamatigut isigissagaanni tassaavoq nunami ineriartorfiunerpaajusoq, Nuullu pilersaarusiorneqarnerata ineriartornerup attanneqarsinnaasumik qanoq atorneqarsinnaanera takutissavaa
  • Tasiilaq Tunumi illoqarfiit aallaavigigaat assortorneqarsinnaanngilaq, illoqarfillu siunissami Tunumi inuussutissarsiutinut aamma ilinniarfinnut takornariaqarnermullu qitiusutut inissisimalissaaq
  • Paamiut 80-ikkut qiteqqunnerannili inui amerliartorunnaarput, illoqarfiullu illoqarfittut inissisimanera ilisarnaataalu allanngutsaaliuineq, uummarissaaneq ineriartornerlu atorlugit nassaareqqinneqassapput
  • Arsuup kangerlua aamma Ittoqqortoormiit eqqarsaatigalugit ineriartortitsivinnut sanilliullugit avinngarusimanerusumi inissisimanerat eqqarsaatigalugu tamanna aallaavigalugu periusissaliortoqarnissaa pisariaqassaaq

Inoqarfinnut ataasiakkaanut pingaarnertut ilusissat qanoq ineriartortoqarnera malillugu suliariuminartuutinneqarnissaat anguniagaavoq. Ineriartornerup ingerlareersup siumut isigaluni aamma pilersaarusiukkamik isumatusaarluni iliuuseqarfiginissaa isumaavoq.





Kingullermik iluarsineqarpoq 20-6-2016


WEB by COWI