Pilersaarusiornermut nassuiaat Innuttaasut ineriartornerat Nunasseriaaseq nussoriaaserlu Innuttaasut ineriartornerat Kommunimi sumiiffinni assigiinngitsuni innuttaasut amerlassusiisa nikerarnerat Nuuttarnerit Inuussutissarsiutit suliffissaqarniarnerlu Inoqarfinnik misissueqqissaarineq Nunassittarneq nutsernerillu Allanngoriartornerit Pilersaarutit immikkoortunut attuumassusillit Sammisanut pilersaarutit Pilersaarutit atuuttut Pilersaarutinik atorunnaarsitsinerit

Uaniipputit: Nassuiaat Nunasseriaaseq nussoriaaserlu Innuttaasut ineriartornerat Kommunimi sumiiffinni assigiinngitsuni innuttaasut amerlassusiisa nikerarnerat

Kommunimi sumiiffinni assigiinngitsuni innuttaasut amerlassusiisa nikerarnerat

Kommunimi illoqarfinni nunaqarfinnilu innuttaasut amerlassusiisa agguataarneqarneranni 1977-imiit ullumikkumut piffissani naatsorsuiffiusinnaasuni amerlassusiat nikerarujoorsimasut takuneqarsinnaapput, tassa piffissami Nuummi innuttaasut 100 %-it sinnerlugit amerleriarsimapput, massa nunaqarfinni innuttaasut taamaaqataannik 50 %-it sinnerlugit ikileriarsimasut. Nuannariinnarlugu oqartoqarsinnaavoq piffissami meeqqat illoqarfinni nunaqarfinnilu inunngorsimasut ullumikkut Nuummi najugaqartut.

 

 

 

 

Matuma ataani kommunimi sumiiffiit assigiinngitsut matumalu kingorna innuttaasa amerlassusiisa nikerarnerannik misissorneqartussat takuneqarsinnaapput.

 

 

 

 

 

 

 

 

 

 

 

Nuuk-eqqaanilu (nunaqarfiit Qeqertarsuatsiaat Kapisillillu ilanngullugit) innuttaasut tamakkerlutik 17 %-inik amerleriarsimapput tamannalu Nuummi innuttaasut amerliartornerinnaannik pissuteqarpoq. Nuummut tunngatillugu innuttaasuni ukioqatigiikkuutaani tamani amerleriartoqarsimavoq, pingasuniit arfinilinnut ukiullit eqqaassanngikkaanni, tamakkumi piffissami 18 %-inik ikileriarsimammata, nunaqarfinni innuttaasut 27 %-inik ikilisimasut. Piffissami utoqqaat 65-it sinnerlugit ukiullit amerleriarnersaallutik 80 %-inik amerleriarsimapput. Akerlianik nunaqarfinni Nuup eqqaaniittuni ukioqatigiikkuutaat tamarmik ikileriarsimapput, aamma ukioqanngitsuniit 16-inut ukiullit ikileriarnersaallutik 50 %-it sinnerlugit ikileriarsimapput.

  

  


Paamiut-eqqaanilu (nunaqarfiit Arsullu ilanngullugit) innuttaasut nalinginnaasumik 27 %-inik ikileriarsimapput. Nunaqarfinni ikileriarnersaasimapput (43 %) Paamiunilu ikileriaataat ikinnerulaarlutik (19 %). Paamiuni innuttaasuni ukioqatigiikkuutaani tamani ikileriartoqarsimavoq, 65-it sinnerlugit ukiullit eqqaassanngikkaanni, tamakkumi 23 %-inik amerleriarsimagamik. Ukioqanngitsuniit arfinilinnut ukiullit ikileriarnersaallutik 43 %-it missaannik ikileriarsimapput.

 

 

 

 

Tasiilaq-eqqaanilu (nunaqarfiit Sermiligaaq, Isertoq, Kulusuk, Tiniteqilaaq aamma Kuummiut ilanngullugit) innuttaasut 4 %-inik amerlerialaarsimapput tamannalu Tasiilami innuttaasut amerleriarnerannik taamaallaat pissuteqarpoq, tassami nunaqarfinni innuttaasut katillugit 23 %-inik ikileriarsimammata. Tasiilami innuttaasuni ukioqatigiikkuutaani tamani utoqqaat 52 %-inik amerleriaateqarlutik amerlinerpaasimapput, uffa nunaqarfinni Tasiilap eqqaaniittuni innuttaasuni ukioqatigiikkuutaani tamani ikileriartoqarsimasoq, utoqqaat eqqaassanngikkaanni, tamakkumi 7 %-inik amerleriarsimammata.

 

 

 

 

Ittoqqortoormiit-eqqaanilu, tassani nunaqarfiit Uunarteq, Itterajivit aamma Nerlerit Inaat piiffissami inuerussimapput. Taamaalilluni sumiiffimmi Ittoqqortoormiit kisimi inoqarpoq, tassanilu innuttaasut piffissami 20 %-inik ikileriarsimapput. Tamanna innuttaasut ukioqanngitsuniit 16-inut ukiullit 21 aamma 43 %-inik ikeriarnerannik pissuteqarpoq, akerlianilli piffissami utoqqaat 65-it sinnerlugit ukiullit amerleriarujussuarlutik, inuit 13-it, 108 %-inik amerleriarsimasut.

 Figur: 1977-imiit 2015-ip tungaanut Kommuneqarfik Sermersuumi illoqarfinni nunaqarfinnilu innuttaasut amerlassusiisa nikerarnerat, Naatsorsueqqissaartarfik
 

 

Nunap assinga kommunimi sumiiffinnik assigiinngitsunik takutitsisoq
 
 
Figur: 2004-imiit 2015-p tungaanut Nuuk-eqqaanilu illoqarfimmi nunaqarfinnilu innuttaasut ukioqatigiikkuutaarlugit amerlassusiat, Naatsorsueqqissaartarfik
 
Figur: 2004-imiit 2015-ip tungaanut Paamiut-eqqaanilu illoqarfimmi nunaqarfinnilu innuttaasut ukioqatigiikkutaanut agguataarneqarnerat, Naatsorsueqqissaartarfik
 
 
Figur: 2004-imiit 2015-ip tungaanut Tasiilaq-eqqaanilu illoqarfimmi nunaqarfinnilu innuttaasut ukioqatigiikkutaanut agguataarneqarnerat, Naatsorsueqqissaartarfik
 
 
Figur: 2004-imiit 2015-ip tungaanut Ittoqqortoomiit-eqqaanilu illoqarfimmi nunaqarfinnilu innuttaasut ukioqatigiikkutaanut agguataarneqarnerat, Naatsorsueqqissaartarfik



Kingullermik iluarsineqarpoq 20-6-2016


WEB by COWI