Pilersaarusiornermut nassuiaat Innuttaasut ineriartornerat Nunasseriaaseq nussoriaaserlu Innuttaasut ineriartornerat Nuuttarnerit Inuussutissarsiutit suliffissaqarniarnerlu Inoqarfinnik misissueqqissaarineq Nunassittarneq nutsernerillu Allanngoriartornerit Pilersaarutit immikkoortunut attuumassusillit Sammisanut pilersaarutit Pilersaarutit atuuttut Pilersaarutinik atorunnaarsitsinerit

Inuussutissarsiutit suliffissaqarniarnerlu

Nunatsinni suliffeqarfiit tamarmiusut 33 %-ii Kommuneqarfik Sermersuumiipput, suliffeqarfiillu tamakku nunatsinni suliffeqarfiit tamarmik aningaasaqarneranni 67 %-ingajannik aningaasaqarfiupput. Taamaalilluni Kommuneqarfik Sermersuup nunatsinnut tamarmut sanilliullugu anginerusunik suliffeqarfiuteqarnini ilisarnaatigaa.

Kommunit allat mikinerusunik suliffeqarfiuteqartut, tassunga ilanngullugit aalisarnermi, nunalerinermi aatsitassarsiornermilu suliffeqarfiit inummit ataasiinnarmit pigineqartut, Kommuneqarfik Sermersuumi suliffeqarfiit anginerusut assigiingitsunillu suliaqartut amerlaqatigiinnerupput; pisortat inuillu ataasiakkaat sullissinerat; assartuineq, allakkerineq telekkullu attaveqaatit; aamma amerlasuukkuutaarlugit niuertarfinnilu tuniniaaviit, akunnittarfiit sutorniartarfiillu. Taamatut isikkoqartillugit kommunimi Nuuk aningaasarsiorfittut nunatsinni tamani inuussutissarsiutitigut pingaarnersaavoq.

Kommuneqarfik Sermersuumi  2013-mi januaarip ulluisa aallaqqaataani inuit sulisinnaasut 11.246-iupput, tassa nuna tamakkerlugu sulisinnaasut tamarmiusut pingajorarterutaat.  Amerleriaatsit nuna tamakkerlugu amerleriaatsit assigaat. Nuuk Tasiilarlu piorsaaffiunersaapput, uffa Paamiuni Ittoqqortoormiinilu kinguariartortoqartoq. Sulisinnaasut amerlanersaat Nuummi najugaqartuupput.

Suliffissaaleqisut

Suliffissaaleqinermit attorneqartut

(2013-mi)

Paamiut

13,5 %

Nuuk

7,7 %

Tasiilaq

20,3 %

Illoqqortoormiut

24,8 %

 


Akissarsiat tamakkerlutik affangajaat pisortat allaffeqarfiannut sullissinerannullu innersuunneqarsinnaapput. Tamatumani Kommuneqarfik Sermersooq nunatsinnilu kommunit allat assigiinngissuteqanngillat.

Illoqarfinni assigiinngitsuni suliffissaaleqisut procentinngornerat nussornerit pillugit misissueqqissaarinerni nassaarineqarsimasunut assingupput.  Naak illoqarfinnut anginerusunut marluinnut taakkununnga nussortoqaraluartoq illoqarfinni taakkunanerpiaq suliffissaaleqisut procentinngorlugit ikittuinnaapput. Taamaalillutik illoqarfinni taakkunani nussortut isumagineqarsinnaapput – aap, imaassinnaavorluunniit inuusuttut ilinniagaqartullu iloqarfinnut nussornerat pissutaalluni suliffeqarnerup annertusiartorneranut iluaqutaasut, taamaalillutik tikittut nutaat suli amerlanerusut suliffeqalersinnaallutik.




Kingullermik iluarsineqarpoq 20-6-2016


WEB by COWI