Pilersaarusiornermut nassuiaat Nassuiaat Pilersaarusiornermi periusissiaq Pingaarnertut pilersaarusiorneq Manna tikillugu pilersaarusiat Nuna tamakkerlugu suliniutit Aatsitassat Attaveqaatit Innuttaasut ineriartornerat Nunasseriaaseq nussoriaaserlu Pilersaarutit immikkoortunut attuumassusillit Sammisanut pilersaarutit Pilersaarutit atuuttut Pilersaarutinik atorunnaarsitsinerit

Aatsitassat

Aatsitassanik ineriartortitsineq kommunimut nunamullumi tamarmut pingaaruteqarluinnartumik aalajangiisuusinnaavoq. Aatsitassanut tunngasunik ingerlatsineq nunamut oqartussaqarfimmit Aatsitassanut pisortaqarfimmit isumagineqarpoq. Aatsitassanut pisortaqarfiup pingaarnertut suliassarivaa ingerlaavartumik misissueqqaarnerit, misissuinerit aamma aatsitassarsiornermi atuisinnaanermut akuersissutit aqunneqarnissaat. Pisortaqarfiullu tassunga tunngasut tamaasa pillugit oqartussaaffik isumagisarivaa. Akuttunngitsumik kommunit immikkoortumi pilersaarutit pillugit nalunaarfigineqartarput, taakkulu paasissutissat tunngavigalugit kommunimut pilersaarusiornerup iluarsiivigineqartarnissaa naatsorsuutigineqarpoq. Aatsitassanut pisortaqarfiup aamma kommunip akornanni suleqatigiissitaliortoqarnissaa sulissutigineqarpoq, ataqatigiissaarinerup, ilaatigut pilersaarusiornermi, pitsaanerulersinnissaa eqqarsaatigalugu.

Aatsitassaqarnermut tunngasut Aatsitassanut inatsisikkut naleqqusarneqarput. Aatsitassat pillugit ingerlatallu tamatumunnga pingaarutillit pillugit inatsisartut inatsisaat nr. 7, 7. december 2009-imeersoq. Inatsisip naleqqusarpai misissueqqarnernut, misissueqqinnernut aamma kulbrintinik aatsitassanillu atuisinnaanermut akuersissutit. Aatsitassanut aqutsisoqarfik (AIA) susassaqarfit attuumassuteqartut peqatigalugit aatsitassanut tunngassutilinnik aqutsiviuvoq. Aatsitassanut inatsisip saniatigut pineqartoq naleqqussarneqarpoq maleruagassat arlaqartut aqqutigalugit, tamakkua Aatsitassanut pisortaqarfiup quppersagaani nassaarineqarsinnaapput: www.govmin.gl.

nnuttaasutut annikitsunik ingerlatsinissamut akuersissummik qinnuteqarnissaq kissaatigigukku, imaluunniit ingerlatseqatigiiffittut uuliamik, aatsitassanik, sermimik imermilluunniit misissueqqaarnissamut, ujaasinissamut imaluunniit piiaanissamut akuersissummik qinnuteqarnissaq kissaatigigukku maanga qinnuteqassaatit. Tamatuma kingorna suliniut oqartussatut suliarinninnermut ikiuuttunik oqartussanut allanut ataqatigiissassavarput. Periuseq kinguneqarluartumik suliamik suliarinninnermik qulakkeerisoq.

  • Innuttaasoq: Annikitsumik ingerlatsinissamut akuersissutinut qinnuteqarnermi immersuiffissat uani nassaarisinnaavatit: www.sullisivik.gl 
  • Ingerlatseqatigiiffik: Qinnuteqarnermi immersuiffissat, maleruagassat, najoqqutassallu uani nassaarisinnaavatit: www.govmin.gl

  





Kingullermik iluarsineqarpoq 11-4-2016


WEB by COWI