Pilersaarusiornermut nassuiaat Nassuiaat Pilersaarusiornermi periusissiaq Pingaarnertut pilersaarusiorneq Manna tikillugu pilersaarusiat Nuna tamakkerlugu suliniutit Aatsitassat Attaveqaatit Innuttaasut ineriartornerat Nunasseriaaseq nussoriaaserlu Pilersaarutit immikkoortunut attuumassusillit Sammisanut pilersaarutit Pilersaarutit atuuttut Pilersaarutinik atorunnaarsitsinerit

Attaveqaatit

Nunap attaveqaatit pillugit pilersaarutai – siullermik umiarsualiviit mittarfiillu pillugit aalajangiinerit – kommunimi inoqarfiit ineriartornissaannut pingaaruteqarluinnartussaapput. Nalaakersuisut assartuussineq pillugu isumalioqatigiissitaliorput Namminersorlutik Oqartussat assartuussineq pillugu ungasinnerusoq eqqarsaatigalugu imminut aningaasaqarnikkut ingerlattumik anguniagassatut takorluugaat tunngavigalugit suliassinneqartumik, aamma takorluukkap qanoq anguniarneqarsinnaanera pillugu assersuusiortussamik. Assartuussineq pillugu isumalioqatigiissitap isumaliutissiissutaa 2011-mi januarimi saqqummersinneqarpoq taannalu assartuussinermut tunngasunik kommunimi pilersaarusiornermut tamarmut pingaarnertut tunngaviliisuuvoq.

Isumalioqatigiissitap isumaliutissiissutaata piviusunngortinneqarnissaa kommunimi inoqarfinnut arlalinnut sunniuteqartussaavoq. Kinguniusinnaasut aamma kommunimut pilersaarummut matumunnga sunniutissai naatsumik uani eqqaaneqarput ima:

  • Nuummi mittarfiup allamut inissinneqarnissaa imaluunniit allinissaa. Tamatumani aalajangiineq illoqarfiup ineriartortinneqarnissaanut aalajangiilluinnartussaavoq, taamaattumillu iliuuserisinnaasat assigiinngitsut ilanngunneqarput, illoqarfiup assigiinngitsutigut ineriartortinnissaanut periusissaq pitsaasoq angujumallugu
  • Nuummi Qeqertani nutaamik containerinut umiarsualivik nutaaq. Taamatut inissiineq kommunimut pilersarummut ilanngunneqarpoq immikkoortoq inuussutissarsiuteqarfittut nutaatut inissillugu
  • Mittarfiup Kulusumiit Tasiilamut nuunnera. Nuussineq taanna aalajangersimasutut ilanngunneqanngilaq. Taarsiullugu illoqarfiup ungasinnerusoq eqqarsaatigalugu ineriartortinnissanut periusissanut qitiusumik ilanngunneqarluni, piviusunngortinneqarnissaalu periusisamit tunngavilerneqassaaq
  • Mittarfiup Ittoqqortoormiunut nuunnera. Nuussineq taanna ilaatinneqanngilaq, nunaminertamik atugassiisoqarani imaluunniit suliassanngorlugu illoqarfiup ineriartortinneqarnissaa pillugu iliuusissamut sunniuteqartussatut. Pilersaarusiarli piviusunngortinneqassappat tamanna illoqarfimmut assut pingaaruteqartussaavoq aamma kommunimut pilersaarusiornermut, taamaattumillu taanna iluarsineqartariaqassalluni.

2015-imi Inatsisartut ukiakkut ataatsimiinneranni Tasiilami aamma Ittoqqortoormiini nutaanik mittarfiliortoqarnissaa aamma Nuummi mittarfioreersup 2200 meterinut tallineqarnissaa, taamaalilluni timmisartut nunanit tamalaaneersut missinnaanngorlutik, tunngaviusumik aalajangerneqarpoq.





Kingullermik iluarsineqarpoq 20-6-2016


WEB by COWI