Pilersaarusiornermi periusissiaq

Pilersaarusiornermut periusissaq P18

Pilersaarusiornermi periusissaq P18 tassaavoq kommunalbestyrelsip issiasup kommunitut kommunip siunissami sumut ingerlanissaa pillugu kissaataanik imalik. Taanna sulinitsinni tamatta sakkussaraarput pingaarutilik aammalu kommunimi atugassatigut aamma aningaasaqarnermik pilersaarusiornermut tunngavissaanullu tunaartalersuutitut atortussaallugu. Tassa tassani kommunimi atugassat nammineq qanorluunniit ilusilersorsinnaavagut, kikkut tamat sapinngisamik iluaqutissaat eqqarsaatigalugit.

Kommunalbestyrelsip kommunip pilersaarusiorfiginerata ilaatigut nutarterneqarnissaanik aalajangiineq ilanngullugu Pilersaarummut periusissiaq P18 aalajangiiffiginikuuaa. Kommunip pilersaarusiorfiginerani periusissiat ineriartortitsinermilu anguniakkat aalajangiusimaneqassapput, sammisaqarfiilli nutaat ilanngunneqassapput, sumiiffinni assigiinngitsuni kommunimilu tamarmi.

Immikkoortunut pilersaarutit
Suliaqarfiit akornanni suliniutit immikkut isiginiarneqarput, immikkoortunut pilersaarummi sakkut ukiunut aqqaneq marlunnut isiginnilluni immikkoortut kommunillu pilersaarutaasa allat akornanni ataqatigiissaarinissamik qulakkerinnittussat atuutilersinneqarnissaat ilanngullugu. Immikkortunut pilersaarutinut tunngavik sukumiisoq kommunip tigussaasunut aningaasaqarnermillu ataatsimut pilersaarutaanut tapersiissaaq, taamaalilluni politikkikkut aalajangissarnernut pitsaasumik tunngaviliissalluni.

Ilitsersuut ajornanngitsoq ingerlatsivinni tamani immikkoortumut pilersaarutinik ajornanngitsunik eqqoqqissaartunillu suliaqarnissamut ikiuutaasussaq ineriartortinneqassaaq.

Naalagaaffiit Peqatigiit Nunarsuarmut anguniagaat (SDG’it)
Kommuneqarfik Sermersuup nunarsuarmi anguniakkat sakkutut ingerlatsiviit immikkoortortaqarfiillu akimorlugit atorneqartussat atuutilersinneqarnissaat sulissutigaa. Nunarsuarmi anguniakkat ataatsimut suliniuteqarfinni, immikkoortortaqarfiit akornanni immikkoortunilu immikkut ittuni
oqaatsit assigiit atorneqarnissaannut tapersiissapput. 

Naalagaaffiit Peqatigiit anguniagaat kommunimi ineriartornerup nalilersornissaanut kiisalu siunissami anguniagassaajumaartunut takusutissiissutissatut sakkussaalluarput. Taammaammat innersuussutigineqassaaq, immikkoortuni tamani suliniuteqarfiusunik nalilersuinermi Naalagaaffiit Peqatigiit anguniagaat atorneqassasut, minnerunngitsumillu anguniagassanut ilaasunik qanoq nassuiaatitalernissaanik aamma siariaatit kinguaariaatillu qanoq uuttorneqarnissaannut isumassarsiorfigalugit.

Naalagaaffiit Peqatigiit Nunarsuarmut anguniagaat (SDG’it)

 

 

Pilersaarusiornermut periusissaq 2010 aammalu 2014

”Pilersaarusiornermut periusissiaq 2014” Kommuneqarfik Sermersuup pilersaarusiornermut periusissaliaata aappassaaneerutigaat, taassumalu siulleq ”Pilersaarusiornermut periusissiaq 2010 – Siunissarput ataatsimoorullugu” taarsissavaa.

”Pilersaarusiornermut periusissiaq 2010” Kommuneqarfik Sermersuumut pissutsit nutaanngornerinut naqissusiineruvoq. Kommunit tallimat ataasinngortinneqarput, kommunerujussuarmilu ineriartortitsinermi pingaarnertut killiliussassat peqatigiilluni erseqqissarneqassallutik.

Kommunimi siunissami siumukarfi ususamik sulinissamut tunngaviusussat naleqartitat pingasut perisussami allaaserineqarput:

  1. Piujuartitsineq
  2. Inuuniarnermi naleqartitat
  3. Kikkut tamat oqartussaaqataanerat aamma sullissineq

Taakku saniatigut inuiaqatigiinnik ineriartortitsiniarnermi tamakkiisumik isiginnittumik iliuuseqarnissamut suliniuteqarfiit arfi neq marluk allaaserineqarput:

  1. Illoqarfi it aamma ineqarfi it inuuffi galugit pitsaasut
  2. Ilaqutariit peqqissut toqqissisimasullu
  3. Inuussutissarsiornermik ingerlatsinerit annertusiartortut
  4. Avatangiisinik aamma pisuussutinik eriaginninneq
  5. Ataqatigiinnermut aaqqissuussinerit pitsaasut
  6. Inuuniarnermi piginnaaneqarneq
  7. Uummaarissumik kulturikkut periarfi ssat

Kommunimut pilersaarutip ilaanik iluarsiissuteqarneq
Matuma siuliini soorlu pingaarnertut allaaserineqartoq Sermersuumi innuttaasut amerliartorput, piffissamilu kingullermi takuneqarsinnaalluni kommunimi innuttaasut sukkasuumik amerliartupiloortut, sumiiffinnili assigiinngitsuni amerliartorneq nikingasorujussuuvoq, naatsorsuutigineqartariaqarlunilu ukiuni aggersuni taamatut ingerlaannassasoq.

Taamaammat Kommunalbestyrelsip nalilerpaa, pilersaarusiornermi pingaarnertut unamminiagassat kommunimut pilersaarut ”Sermersooq2024.gl” akuersissutigineqarneraniilli suli allannguuteqarpallaarsimanngitsut, soorlu aamma pilersaarummi takuneqarsinnaasut periusissat ineriartortitsinermilu anguniakkat taamaattut. Taamaammat Kommuneqarfik Sermersuumi pilersaarusiornermi nutaamik naleqartitaliornissaq periusissamillu pilersaarusiornissaq pisariaqartinneqanngilaq, taamaattorli kommunimut pilersaarummi suliniutit sukumiisunut naleqartit najoqqussallu ingerlateqqinneqarnissaannut periusissaq pisariaqarluni.

Tamanna tamakkiisoq tunngavigalugu Kommunalbestyrelsip ”Pilersaarusiornermut periusissiaq 2014” kommunimut pilersaarutip ilaa iluarsineqarnissaanik aalajangernermik imaqartinneqassasoq akueraa, tassuunami kommunimut pilersaarummi periusissat ineriartortitsinermilu anguniakkat attatiinnarneqarsinnaapput, kisianni kommunimut pilersaarummi taaneqartartoq ”pilersaarusiornermi inatsisinut tunngasut” misissorneqarlunilu paasinarnerusunngortinneqassaaq. Kommunimut pilersaarummut tunngasunik ingerlatsinermi misilittakkat arlallit tunngavigalugit tamanna aallaaveqarpoq. Tamanna isumaqarpoq, kommunimut pilersaarummi immikkoortut ilaanni ataasiakkaani atuinermut aalajangersakkat aamma nunaminertamik atugassiisarnermi aalajangersakkat misissorneqassasut, tassani siunertaalluni kommunimi tamarmi allaffi ssornikkut ingerlatsinerup ataasiunerusumik assigiinnerusumillu ingerlanneqalernissaa.

Suliniuteqarfiit nutaat
Kommunimut pilersaarutip ilaanik iluarsiissuteqarnissap akuersissutigineqarnerata saniatigut kommunimi pilersaarut pilersaarusiornermi suliniuteqarfi it nutaat pingasut qitiutinneqarnissaat kommunalbestyrelsip akuersissutigaa, ukuusut:

  1. Illussanik titartaasarnermut/illoqarfi up isikkussaanut politikkiliorneq – kommunimi inoqarfiit pitsaasumik ineriartornissaat qulakkeersinnaajumallugu
  2. Illoqarfi it pingaarnersaat pillugu periusissaliorneq –kommunerput nunarpullu ataatsimut isigalugit Nuuk maligassaasinnaanissaanut ilisimatusarfi unissaanullu tunngavissaqarsinnaaqqullugu
  3. Suliat akimorlugit immikkoortumi pilersaarusiornissamut suleqatigiisitaliornikkut kommunimut pilersaarummut immikkoortunut pilersaarummut tunngavissamik ineriartortitsineq – siunissaq ungasinnerusoq ataqatigiissaarinerlu eqqarsaatigalugit sanaartugassanik pilersaarusiorneq tunngavissaqarsinnaaqqullugu

Pilersaarusiornermi periusissiaq P18:

Pilersaarusiornermi periusissaq p18.pdf (5.3 MB)

 

Pilersaarusiornermi periusissiaq:
planstrategi2014_kal.pdf

Pilersaarusiornermut periusissiap Tunuliaqutaa uani atuarneqarsinnaavoq:
bilag1_ps_14_baggrundsrapport_kal.pdf