Pilersaarusiornermut nassuiaat Nassuiaat Pilersaarusiornermi periusissiaq Pingaarnertut pilersaarusiorneq Nuna tamakkerlugu pilersaarusiamut nassuiaat 2015 Namminersorlutik Oqartussat soqutigisaat Nunap immikkoortuini ineriartortitsinissanut periaasissat Aningaasaqarneq Manna tikillugu pilersaarusiat Nuna tamakkerlugu suliniutit Innuttaasut ineriartornerat Nunasseriaaseq nussoriaaserlu Pilersaarutit immikkoortunut attuumassusillit Sammisanut pilersaarutit Pilersaarutit atuuttut Pilersaarutinik atorunnaarsitsinerit

Uaniipputit: Nassuiaat Pilersaarusiornermut nassuiaat Pingaarnertut pilersaarusiorneq Nunap immikkoortuini ineriartortitsinissanut periaasissat

Nunap immikkoortuini ineriartortitsinissanut periaasissat

Nunap immikkoortuini ineriartortitsinissanut periaasissani anguniakkat, suliniutit aamma kommunimut pilersaarummut sammisat attuumassuteqartut oqaluuserineqartussat soorlu inuussutissarsiutit, tassunga ilanngullugit takornariaqarneq, aalisarneq, aatsitassanik piaanerit, ilinniartitaaneq inissialiortitsinerillu allaaserineqarput. Ingammik ilinniartitaanermi inuussutissarsiuteqarnermilu nunatsinni ineriartortitsinerit sunniuteqarfiginiarlugit periaasissat oqaaseqatigiiliorlugit annertuumik suliaqartoqarsimavoq.

Ineriartortitsinerni periaasissat politikimut ingerlatseriaatsimullu tunngassuteqarput, tamatumanilu akuttunngitsumik kommunimut pilersaarummi nalinginnaasumik kommunip ineriartortitsineqarnissaa ingammillu sanaartukkatigut / inissatigut ineriartortitsinerit tigussaanerusumik qitiutinneqartarput. Kisiannili ineriartortitsinernut periaasissat kommunimi anguniagassanut, politikinut ineriartortitsinissamillu kissaatigisanut ataqatigiilluinnartuusorineqarput.


Nunap immikkoortuini ineriartortitsinerni periaasissani suliassaqarfiit ilaat kommunimut pilersaarummut pingaaruteqarput, tassami periaasissat najukkani ineriartortitsinissanut nunap immikkoortuini politikinut tunngaveqarmata taamaalillutillu kommunimi nunasseriaatsit nussoriaatsillu malitsigisaannut sunniuteqartarlutik.

Ineriartortitsinissanut periaasissanik suliaqaqqinnermi periaasissat sumiiffinnut arlalinnut tunngasuutillugit periaaserineqassapput-  Kommuneqarfik Sermersuumut tunngatillugu Kitaanut Tunumullu periaasissat marluit pineqarput. Periaasissat tamakku soorunami kommunimut pilersaarummi ilutsimut pingaarnermut pingaaruteqartorujussuussapput taamaattumillu tamakku suliarineqarnerat ilutigalugu ingerlaavartumik ilanngussuunneqassallutik.

Læs redegørelsen her: Redegorelse om Regional Udviklingsstrategi




Kingullermik iluarsineqarpoq 11-4-2016


WEB by COWI