Nunaminertamik atugassiissutit

Quppernermi tassani ataavartumik nunaminertamik atugassiisoqartillugu nalunaaruteqartoqartassaaq.

Nunaminertamik atugassiissutit nalunaarutigineqarsimasut linkimi ilanngussami uani nunagis.gl-imi takuneqarsinnaapput.


Sanaartorfissat suli atugassiissutigineqanngitsut

Pilersaarusiorneq aamma nunaminertat atorneqartarneri pillugit Inatsisartut inatsisaat nr. 17, 17. november 2010-meersoq tunngavigalugu Inatsisartut inatsisaannik nr 34, 2015-imi decembarip ulluisa qulingiluaanneersumi allanngortinneqartoq, taamaalilluni Kommuneqarfik Sermersuumi sanaartorfissat utaqqisunullu allattorsimaffimmiittut tamanut nalunaarutigineqarput.

Linki: Sanaartorfissat suli atugassiissutigineqanngitsut.

Nunap assingani Kommuneqarfik Sermersuumi sanaartorfissanik aamma killiffiinik oqaluttuartunik imaqarpoq. Sanaartorfissaq inuttaqanngissinnaavoq, inniminnerneqarsinnaavoq, atugassiissutigineqarsinnaavoq (nunaminertanik atugassiineq) imaluunniit atugassiinngitsoortoqarsinnaavoq. Nunaminertaq ataaseq arlalinnit qinnuteqaatigineqarpat utaqqisut allattorsimaffiannik pilersitsisoqarsimasinnaavoq.