Nakkutilliineq atortitsinerlu

Imm. 1. Kommune nakkutilliisussaatitaavoq nunaminertamillu atuinermi unioqqutitsisoqartoq Kommunalbestyrelsimit paasineqarpat, inatsisinik malinnilernissamut qinnuteqartussaatitaapput.

Imm. 2. Kommunimi pilersaarusiornermut oqartussaqarfik atuinermut piginnittussaatitaasumut imaluunniit piginnittumut nalunaaruteqareernikkut nunaminertamut imaluunniit nammineq pigisamut sumulluunniit nakkutilliiartorsinnaavoq uuttortaajartorlunilu aammalu peqqussut una malillugu pilersaarusiornermi teknikkikkut suliassat allat suliariartorlugit, naleqqiuguk Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersumi § 59 .

Imm. 3. Nunaminertamik atugassiissutigineqartoq kommunimit utertinneqarsinnaavoq, ima pisoqartillugu:

  • Nunaminertamik atuineq atorunnaartoq pillugu atugassinneqarsimasumit nalunaarutigineqartillugu, imm. 4 naapertorlugu.
  • Nunaminertamik atuiunnaarneq kommunimit paasineqarpat, imm. 5 - 7 naapertorlugit.
  • Nunaminertamik atuinermi piumasaqaatit malinneqannginneri kommunimit paasineqarpat, imm. 8 aamma 9 naapertorlugit.

Imm. 4. Nunaminertamik atuiunnaartoqartillugu atugassinneqarsimasoq kommunimut nalunaaruteqassalluni pisussaaffeqarpoq.

Imm. 5. Nunaminertaq § 11-mi piffissaliunneqarsimasut qaangiunnerini atulerneqarsimanngippat, nunaminertamik atugassiissut atorunnaarsinneqassaaq.

Imm. 6. Nunaminertamik atugassinneqarsimasoq nunaminertamik atuiunnaarneq sumik patsiseqarnersoq pillugu sapaatip-akunneri sisamat qaangiutsinnagit nassuiaassaaq. Piffissaliunneqartoq malinneqanngippat, utertitsinissamut ilimasaarinissamut Kommunalbestyrelse alloriassaaq.

Imm. 7. Annertuumik saliinissamut isatereratarnissamullu piumasaqartoqarniartillugu, atugassiissummik pigisaqartoq ilimasaareerneqassaaq, pissutsinik naliliinissamut periarfissinneqarniassammat, matumani nunaminertamik atuinerup allamut ingerlateqqinneqarnissaa eqqarsaatigalugu nunaminertap naleqarnerata tuniniarnissaa eqqarsaatigalugu. Atugassinneqarsimasup atorunnaarsitsinissaq aalajangiusimaannassappagu, utertitsinissaq naammassineqassaaq.

Imm. 8. Nunaminertamik atugassinneqarnermi piumasaqaatinik eqqortitsinnginnermi pineqartut tassaasinnaapput, piumasaqaatitut tunniunneqartunik unioqqutitsineq imaluunniit malinninnginneq. Piffissaliunneqartoq malinneqanngippat, utertitsinissamut ilimasaarinissamut Kommunalbestyrelse alloriassaaq.

Imm. 9. Qinnuteqartup nalunagu imaluunniit mianersuaalliornermigut eqqunngitsunik nunaminertamut atugassiissummut tunngatillugu pingaaruteqartunik eqqunngitsunik paasissutissiisimappat nunaminertamik atugassiineq atorunnaarsinneqarsinnaavoq. Atorunnaarsitsinnginnermi tamanna pillugu allakkatigut nunaminertamik atugassinneqartoq sivikinnerpaamik sapaatit akunnerinik marlunnik piffissalerneqassaaq suliap nutaamik suliarineqarnissaanut paasissutissanik eqqortunik tunniussisinissaa eqqarsaatigalugu.

Imm. 10. Illumik illuummilluunniit piginnittoq imaluunniit nunaminertamik atugassinneqartoq unioqqutitsiguni iluarseeqquneqassaaq Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersumilu § 62 naapertorlugu akiligassinneqarluni.