Nunaminertamik atugassiissutip tunniunnera

Imm. 1. Nunaminertamut pisinnaaffik atorunnaartarpoq piffissaliunneqartup iluani atorneqarsimanngippat (takuuk § 11, imm. 2) tunniunneqarsinnaallunilu aatsaat nunaminertaq sanaartorfigineqarluni, sanaartorfissagissarneqarluni, qaartiteriffigineqarluni, toqqavilersorneqarluni il.il. aalajangersimasunik takussutissaqalerpat.

Imm. 2. Piginnittup nutaap nunaminertap maannamut atorneqarneranut atuuffianullu allanngortillugu allamut atorneqarnissaanut qinnuteqarpat, nunaminertamut pisinnaatitsinermik tunniussineq inerteqqutaavoq.

Imm. 3.  Nunaminertamik atugassiissummik tunniussineq kommunimut pilersaarummut akerliussanngilaq.

Imm. 4. Piginnittoq nutaaq, pisinermigut imaluunniit illumik kingornussinermigut nunaminertap atorneqarnissaanut salliunneqartuassaaq. Nunaminertamulli atuisinnaatitaaneq sunaluunniit tunniunneqarpat tamanna nunaminertanut oqartussaasunit akuerineqartussaavoq, Pilersaarusiorneq aamma nunaminertat atorneqartarneri pillugit Inatsisartut inatsisissaat nr. 17, 17. novembari 2010-imeersumi § 37 takuuk.

Imm. 5.  Nunaminertamik inniminniineq tunniunneqarsinnaanngilaq.