Nuuk Paamiut Ittoqqortoormiit Tasiilaq Immikkoortut ilaannut K-miit O-mut aalajangersakkat tamanut atuuttut K: Illuaqqat, sunngiffimmi illut, illut aasarsiortarfiit il.il. L: Nunaminertat sukisaarsartarfittut immikkut isikkullit M: Immikkoortut ilaat savaateqarfittut, nunaleriffittut, imarmiunik tunisassiorfittut, orpinnik tuni N: Teknikkikkut atortulersuutinut attaveqaatinullu il.il. immikkoortut ilaat. O: Immikkoortut ilaat sanaartorfigeqqusaanngitsut Nunaannarmut pilersaarutit Nunap assinganik ujarlerfik

K: Illuaqqat, sunngiffimmi illut, illut aasarsiortarfiit il.il.

Illuaqqanut, sunngiffimmi illunut il.il. immikkoortut ilaat ukioq naallugu najugaqarfigineqartussaanngitsunik sunngiffimmi illuliorfissatut aasarsiortarfinnillu illuliorfissatut atugassiissutigineqartarnertik ilisarnaatigaat. Immikkoortut ilaanni killilimmik takornarianut, piniariartarfinnik aamma aniguiniarnermut illuaqqiortoqarsinnaavoq, tamakku amerlassusiisa sumiiffiup sunngiffimmi illuaqqanut, aasarsiortarfinnut il.il. pingaarnertut atorneqarnera allanngortissanngippassuk.
Namminersorluni mikinerusumik inuussutissarsiuteqarnerni atorneqarsinnaasunik soorlu assersuutigalugit panertitsivinnik, pujoorivinnik, naatsiivinnik assigisaannillu tamakku nammineq atugassaatillugit atortulersuisoqarsinnaavoq. Atortulersuutit tamakku illuaqqanut ataasiakkaanut atatillugit sanaartorneqassapput.

Immikkoortut ilaanni K-ni illuaqqat assigiinngitsut tallimat immikkoortinneqarput: Sunngiffimmi illuaqqat, takornarianut illuaqqat /akunnittarfik, atuartut tammaarsimaartarfiat, illuaqqat piniariartarfiit aniguiniarnermilu illuaqqat:

Sunngiffimmi illuaqqat imatut paasineqassapput; illuaqqat sivikitsuinnarmik najugaqarfigineqartussat. Sunngiffimmi illuaqqat namminerisamik atorneqassapput aammalu annerpaamik 20 kvadratmeterisut annertutigissallutik. Sunngiffimmi illuaqqiornissat sanaartornissamut akuersissuteqartariaqanngillat.

Illut aasarsiortarfiit namminerisatut sunngiffimmi atugassatut paasineqassapput. Illut aasarsiortarfiit 20 kvadratmeterinit anginerusinnaapput. Illuliorneq pillugu malittarisassat atuuttut naapertorlugit aasarsiortarfimmik illuliorniaraanni sanaartornissamut akuersissuteqartoqartariaqarpoq.

Takornarianut illuaqqat /akunnittarfiit innuussutissarsiutigalugit atorneqartutut attartortinneqartartutulluunniit paasineqassaaq. Tamakku nalinginnaasumik takornarianut najukkamiluunniit innuttaasunut attartortinneqarsinnaapput. Takornarianut illuaqqat angissusissaat pillugit malittarisassaqanngilaq. Illuliorneq pillugu malittarisassat atuuttut naapertorlugit takornarianut illuaraliorniaraanni sanaartornissamut akuersissutaateqartoqartariaqarpoq.

Atuartut tammaarsimaartarfii sanaartukkatut, assersuutigalugu meeqqat atuarfiannit, fritidsklubbinit pisortalluunniit suliffeqarfiutaannit atorneqartartutut, paasineqassapput. Atuartut tammaarsimaartarfiisa angissusissaat pillugit malittarisassaqanngilaq kisiannili tamakkuninnga sanaartorniaraanni Illuliorneq pillugu malittarisassat atuuttut naapertorlugit sanaartornissamut akuersissutaateqartoqartariaqarpoq.

Illuaqqat piniariartarfiit aniguiniarnissamullu illuaqqat illuaqqatut tamanit tikinneqarsinnaasutut paasineqassapput. Illuaqqat tamakku amerlanertigut kommunimit suliniaqatigiiffinnilluunniit sananeqartarput. Illuaqqat piniariartarfiit aniguiniartarfiillu angissusissaat pillugit malittarisassaqanngilaq kisiannili tamakkuninnga sanaartorniaraanni Illuliorneq pillugu malittarisassat atuuttut naapertorlugit sanaartornissamut akuersissutaateqartoqartariaqarpoq.

Illuaqqanut assigiinngitsunut tunngatillugu tullinnguuttut makku atuupput:

  Aqqutit Angiss. Portuss.
Illuaraq/Illu
Sunng. illuaraq Nammineq Ann. 20 m² Quleriit 1½,
ann. 6 m
Sanaartornissaannut
akuersissuteqartariaqanngillat

Aasarsiortarfik

Nammineq Ann. 40 m2 Quleriit 1½,
ann. 6 m
Sanaartornissaannut
akuersissuteqartariaqarput
Takornarianut
illuaraq
Inuussutissarsiutigalugu
attartortinneqarsinnaavoq
Ann. 60 m² Quleriit 1½,
ann. 6 m
Sanaartornissaannut
akuersissuteqartariaqarput
Tammaarsimaartarfik  Attartortinneqarsinnaavoq Piumasaqaatitaqanngilaq Quleriit 2½,
ann. 8,5 m
Sanaartornissaannut
akuersissuteqartariaqarput

Aniguiniarfik
/Piniariartarfik  

Tamanit atorneqarsinnaasut Aalajangersagaqanngilaq Quleriit 1,
ann. 6 m
Sanaartornissaannut
akuersissuteqartariaqarput

 

Illuaqqanut tamanut tunngatillugu, nunaminertamik atuinissamut agguaassisarnermut malittarisassat sanaartornermilu inatsit atuuttoq ilaapput.

Eqqakkat ikuallanneqassapput angerlaanneqarlutilluunniit. Illunut eqqaamiorisanut, pinngortitamut allanulluunniit ajoqutaanngitsumik ikuallaasoqassaaq.

Anartarfittut spandit imaat imaanut toqqaannartumik iginneqartartut imaluunniit issunnguutsittussanngorlugit allatulluunniit allanut avatangiisinulluunniit akornutaanngitsumik suujunnaarsinneqassapput. Illooreersut anartarfinnik nusuinnartartunik peqareersunut tunngatillugu tamakkunani imikoq taamatorluinnaq suujunnaarsinneqartassaaq.
Immikkoortut ilaat K-t immikkoortunut marlunnut avitaapput:

  • K1: Nunaminertaq illuaraqarfik illunillu aasarsiortarfilik
  • K2: Nunaqarfikut

K1: Illuaraqarfiit illunillu aasarsiortarfeqarfiit
Illuaraqarfiit illunillu aasarsiortarfeqarfiit avinngarusimalaarnertik aamma sukkulluunniit ”illoqarfinngorsagaannginnertik” ilisarnaatigaat. Taamaattumik nunaminertanik atuinerni suliat tamarmik illuaqqanut ataasiakkaanut attumassuteqartuussapput.

Illuaqqamut qaninnerpaamut minnerpaamik 60 meterinik ungasissulimmik illuaqqiortoqartassaaq.  Sukumiisunik aalajangersaanerni illut imminnut qaninnerpaaffissaannik ungasinnerusunik kommunalbestyrelse akuersissuteqarsinnaavoq. Sunngiffimmi illuaqqat illullu aasarsiortarfiit portunerpaaffimmikkut aappaa avillugu quleriinngorlugit sananeqassapput, tassa imaappoq ini alleq qalialu atorneqartoq. Tamakku toqqavii pukkinnerpaaffimmut portunerpaamik 1 meterisut portutigissapput. Illut ingerlaavartumik aserfallatsaaliorneqassapput, taamaalillutik avatangiisinut takussunarsaataanatik.

Sunngiffimmi illuaqqanut illunullu aasarsiortarfinnut il.il. nunaminertani aqqusiniliortoqassanngilaq, aqqusiortoqassanngilaq, aqqusineeraliortoqassanngilaq, puttasuliortoqassanngilaq imaluunniit ataatsimoorussanik teknikkikkut pilersuutinik ikkussuisoqassanngilaq. Teknikkikkut pilersuutit illuaqqanut ataasiakkaanut atasumik immikkoortutut taamaallaat ivertinneqarsinnaapput. Assersuutigalugu tamakku tassaasinnaapput innaallagissiuutit, seqinisaatit imaluunniit nukissiuutit allat. Tamakku saniatigut atortulersuutit allat mikinerit atorneqarnerminni nipimik, putsumik, tipimik, sajuppillattarnernik allatulluunniit ajoqutaasinnaajunnaarlugit ivertiterneqassapput.

K2: Nunaqarfikut
Nunaqarfikut nalinginnaasumik immikkoortut ilaat K-usarput. Illuaqqat imminnut minnerpaamik 30 meterisut ungasitsigitillugit sananeqassapput. Sunngiffimmi illuaqqat illullu aasarsiortarfiit portunerpaaffimmikkut aappaa avillugit sananeqassapput, tassa imaappoq ini alleq qalialu atorneqartoq. Atuartut tammaarsimaartarfii pingajuat avillugu portutigisunngorlugit sananeqassapput. Tamakku toqqavii pukkinnerpaaffimmut portunerpaamik 1 meterisut portutigissapput. Illut ingerlaavartumik aserfallatsaaliorneqassapput, taamaalillutik avatangiisinut takussunarsaataanatik.

Nunaqarfikuni aqqusinioreersut, aqqusiaareersut, aqqusineeraareersut puttasooreersullu aserfallatsaaliorneqassapput allilerneqartarlutillu. Teknikkikkut pilersuutit illuaqqanut ataasiakkaanut atasumik immikkoortutut taamaallaat ivertinneqarsinnaapput. Assersuutigalugu tamakku tassaasinnaapput innaallagissiuutit, seqinisaatit imaluunniit nukissiuutit allat. Tamakku saniatigut atortulersuutit allat mikinerit atorneqarnerminni nipimik, putsumik, tipimik, sajuppillattarnernik allatulluunniit ajoqutaasinnaajunnaarlugit ivertiterneqassapput.





Kingullermik iluarsineqarpoq 3-4-2017


WEB by COWI