Nuuk Paamiut Ittoqqortoormiit Tasiilaq Nunaqarfinni Nunaannaq Suliniuteqarfiit

Takorluukkat

”Pilersaarusiornermut periusissiaq 2014” kommunimi periusissamut siullermut ”Pilersaarusiornermut periusissiaq 2010 – Ataatsimoorluta siunissarput” taarsiutaavoq, tassanilu allaaserineqarluni ukiuni aggersuni kommunimi pilersaarusiornermi tigussaasut suut qitiutinneqassanersut.

Piffi ssaq qaangiuttoq annertuumik pisoqarfi usimavoq – Inatsisartunut marloriarluni qinersisoqarpoq, kommunimullu ataasiarluni qinersisoqarluni. Tamakkuli apeqqutaatinnagit Pilersaarusiornermut periusissiaq 2011-mi siullermeersumik akuersissutigineqareersoq malitsigisaanillu 2013-imi kommunimut pilersaarut digitalinngortitaq ”Sermersooq2024.gl” akuersissutigineqarmat sukumiisumik erseqqissaasoqareersoq, kommunimi pilersaarsusiornermi unamminartut maannamut allanngorpallaarsimanngillat.

Kingullertigut allanngoriartorneq annertooq sulilu annertusiartortoq tassa kommunimi innuttaasut agguataarsimanerat assigiinngitsorujussuaq ingerlaannartussatut naatsorsuutigineqartoq, tamannalu pissutigalugu kommunimi pingaarnertut anguniakkat attatiinnarneqarlutillu siuarsaavigeqqinneqartariaqarput. Taamaattumik Kommunalbestyrelse aalajangerpoq, pilersaarusiornermut periusissami tassani aamma naleqartitat Piujuaannartitsineq, Inuunermi naleqartitat, Tamat oqartussaaqataanerat Kiff artuussinerlu malunnartinneqassasut.

Takorluukkat

Kommuneqarfik Sermersuumi illoqarfiit tamarmik assigiiaamik ineriartortinneqassapput sumiiffiit assigiinngissusaat ataqqillugu. Illoqarfiit inoqarfiillu ineriartortinneqarnerat sumiiffiit ataasiakkaat namminneq periarfissaat pisariaqartitaallu aallaavigalugit pissaaq. Illoqarfiit inoqarfiillu misigisassanik, toqqissisimanermik, sanaartukkanik aamma illoqarfiup ilusilersorneqarneranik kusanartumik kiisalu inissiaqarfinnik ingerlalluartunik tunniussassaqassapput.

Taamatut takorluugaqarnerup piviusunngortinneqarnissaa pingaartitat avaqqunneqarsinnaanngitsut pingasut ataqqilluinnarlugit, kommunip siumut isigisumik sulinerani tunngaviusut malillugit, pissaaq. Pingaartinneqartut pingasut tassaapput:

  • Piujuartitsineq
  • Inuunerup pitsaassusia
  • Tamat oqartussaaqataanerat sullissinerlu

Pingaarnertut ataatsimut iluseq tamatumanilu inoqarfinnut ataasiakkaannut pingaarnertut ilutsit tassappput kommunimut pilersaarummi pingaarnertut takorluukkanut erseqqissaataasut. Taakku, pilersaarusiornermut inatsimmi §§ 16 aamma 17 malillugit, nuttartarnerup ataatsimut naliliiffigineratigut aamma kommunip immikkoortunut pilersaarutai malillugit, aalajangersaaffigineqarput. Pingaarnertut ilutsit tassaapput aqutsinissamut sakkussat, pingaarnertut anguniakkanik piviusunngortitsinissamut aalajangiinissamut periarfissaqalersitsisussat.

Nunap immikkoortui

Nunap immikkoortuini sumiiffiit assigiinngissusiat ataqqillugu inoqarfiit tamarmik sumiiffimmi periarfissat tunngavigalugit ineriartortinneqarnissaannik takorluukkat immikkoortunut taakkununnga pingasunut immikkoortillugit erseqqissaavigineqarput. Erseqqissaaneq kommunip innuttaanut innuttaasullu nuuttarnerannut tunngaveqarpoq tassungalu atatillugu ilimagisamik Kalaallit Nunaata Illoqarfittut pingaarnersaata Nuup alliartorsinnaaneranut tunngasoq, Nuummut nuttartuartut kingunerisaannik kiisalu umiarsualiviup mittarfiullu aaqqissussaanerannut atatillugu alliartornerata sunniutaanit pivoq.

Nunap immikkoortui kommunimut pilersaarusiorneq eqqarsaatigalugu illoqarfiit nunaqarfiillu inissisimanerisa aamma/imaluunniit ataatsimoorussaqarfiisa ilusaattut isigineqassapput. Nunap immikkoortui kommunimut pilersaarusiornermut tulluarsarlugit najoqqutarineqarput, taamaalillutillu ataatsimut paasineqarnissaannut pilersaarusiorneqarnissaannilu tunngavissanut tunngaviliissallutik. Taakku pilersaarusiorneq pillugu inatsit § 16 malillugu pipput toqqarneqarlutillu kommunimi nunasseriaatsip qanoq ineriatornera tunngavigalugu.

Nunap immikkoortui pingasut:

  1. Nuuk-eqqaalu
  2. Tasiilaq-eqqaalu aamma Illoqqortoormiut
  3. Paamiut-eqqaalu

Quppernerni ataaniittuni nunasseriaaseq, innuttaasut amerliartornerat aamma nunap immikkoortuini pingasuni pingaarnertut iliuusissaq naatsumik allaaserineqarput.

Pingaarnertut iluseq

Matumani kommunip ataatsimut pingaarnertut ilusaa imarineqarpoq. Imaralugit:

  • Takorluugaq, kommunimi pingaarnertut pilersaarusiornerup ”eqqarsaatigeqqissaarnera”
  • Kommunimi nunassittarneq aamma nutsertariaaseq pillugitinnuttaasut ineriartornerinik misissueqqissaarneq, pilersaarusiornermi ineriartornerup pingaaruteqarneranut tunngasut (inatsisit malillugit) isummerfigineqartussat
  • Nunap immikkoortui arlallit nassuiaasersorneri, inoqarfiit ataasiakkaat pingaarnertut ilusissaannut tunngaviusussat. Nunap immikkoortui toqqarneqarput innuttaasut ineriartornerinik misissueqqissaaneq tunngavigalugu
  • Qulequttat kommunimut pilersaarusiornermi nunap immikkoortui aqqusaarlugit atorneqartut, aamma – periarfissaqartillugu attuumassuteqarfiisigullu – inoqarfiit ataasiakkaat pingaarnertut ilusissap ilaatut ilanngunneqartut
  • Nuna tamakkerlugu suliniutigineqartuniksaqqummiussineq, nunamik pilersaarusiornermut  tunngasutigut kommunimut pilersaarusiornermi pingaaruteqarluinnartumik aalajangiisuulluarsinnaasut

Nunap immikkoortui oqaatigineqareersutut innuttaasut ineriartornerisa allaaserineqarnerisa kinguneranik pinngorput. Tassaapput ”atukkat”- imaluunniit ataatsimoorullugit soqutigisat peqatigitillugu takorluukkamut  ersarissaasoq aalajangersaasorlu siulleq. Tassalu nunap immikkoortortai imminnullu inissisimanerat ataatsimut pingaarnertut ilussiami pilersaarusiornermi pingaarnertut pingaarnersiuinermi ilusissamut tunngaviupput.


 

 

 

 


Geografier: 1:Nunap immikkoortui: 1:Nuuk-eqqaalu, 2: Tasiilaq-eqqaalu, 3: Paamiut-eqqaalu

 

 


Kommunimut tamarmut asseq


Kingullermik iluarsineqarpoq 13-3-2018


WEB by COWI