Nuuk Paamiut Ittoqqortoormiit Pingaarnertut iluseq Immikkoortortat qitiutinneqartut Ineriartortitsiviusinnaasut Sumiiffimmi inuiaqatigiit imminnut napatittut Tasiilaq Nunaqarfinni Nunaannaq Suliniuteqarfiit

Immikkoortortat qitiutinneqartut

Kommunalbestyrelsimit nunassittariaaseq pillugu Ittoqqortoormiuni misissueqqissaarneq aallartinneqassasoq aalajangerneqarpoq, innuttaasut akuutinneqassapput, innuttaasut namminneq periarfissatik sumiiffimmi inuiaqatigiinnut imminnut napatittunut tapertaasinnaasut qanoq misigineraat paasiumallugu.

Aalajangiinermut tunngaviuvoq paasineqarmat Ittoqqortoormiit suli inuuniarnikkut, peqqinnissakkut aningaasaqarnikkullu ajornartorsiutinik arlalinnik nalaassimaneqartuartoq piffissap ingerlanerani Namminersorlutik Oqartussanit kommunimillu annertuumik aningaasaliisarnikkut illuanut saatinniarneqartarsimagaluartumik.

Nunassittarneq pillugu misissueqqissaarnissamut iliuusissanik pilersaarusiornissaq siunertarineqarpoq, inunnik ataasiakkaanik ilaqutariinnillu illoqarfimmut allamut ingerlateqqinnerinut nutaamillu ingerlalernissamut ikiuisinnaasunik nassuerutigalugu illoqarfimmni iluamik ilinniarnissamut imaluunniit suliffissaqarnissamut periarfissaqannginnera.

Ilutigalugu innuttaasut Ittoqqortoormiuni najugaqaannarusuttut sapinngisamik pitsaanerpaamik isumagineqassapput, nassuerutigineqassaarli kommunip kommunimi illoqarfiit allat sullinneqarnerisa qaffaseqataanik inuiaqatigiit ikittuinnaat avinngarusimasorujussuarmiittut neqeroorfigineqarsinnaannginnerat.

Nunassittarnermik misissueqqissaarneq tunngavigalugu suliniutit nutaat naliliiffigineqarnissaat periarfissaqalissaaq, illoqarfimmi ilisimatusarnermut centeriliorsinnaaneq ilanngullugu, tamatumani Ittoqqortoormiit inissisimanera atorluarlugu nunamut eqqissisimatitamut, ilisimatusartunit tamanit soqutigineqaqisoq, aqqutigineqarsinnaavoq. Ilisimatusarnermulli centerip illoqarfiup ullumikkut ajornartorsiutaanut tunngaviusumik allannguinavianngitsoq nalilerneqarpoq.





Kingullermik iluarsineqarpoq 20-6-2016


WEB by COWI