Nuuk Hovedstruktur Illoqarfiup qeqqani immikkoortortat qitiutinneqartut Eqiterineq Imaneq Tujuuk aamma Blok P Aneersuarfik Aqqaluk Immikkoortortat allat qitiunneqartut Kapisillit Qeqertarsuatsiaat Paamiut Ittoqqortoormiit Tasiilaq Nunaqarfinni Nunaannaq Suliniuteqarfiit

Eqiterineq

Eqiterineq tunngavittut aallaavigalugu

Siorarsiorfimmi illoqarfiup ineriartortinneqarnissaata utaqqinneqarnissaa pillugu aalajangiinerup pisariaqartilerpaa illoqarfiup ineriartornera ukiuni aggersuni illoqarfimmi piujuartitsineq tunngavigalugu eqiterisitsinermik pinissaata aalajangiiffigineqarnissaa. Piffissami aggersumi illoqarfinnut immikkoortooreersut – pingaartumik Qinngorput – annertusarneqassapput, aamma nunaminertat Nuummi aamma Nuussuarmiittut eqitertinnissaat pisariaqarpoq. Taamatut ineriartortitsineq aallartinneqareerpoq illoqarfiup qeqqanut pilersaarusiornikkut ”Silarsuup qeqqani // Nuup qeqqani” tamannalu ingerlatiinnarneqassaaq.
 

Inissiaqarfioreersunik Tuujummi aamma Blok P-p eqqaani annertusaaneq

Piffissami pilersaarusiorfiusumi inissianik ineriartortitsinerup annersaa qitiutinneqartutut immikkoortinneqartut iluini pissaaq. Tamatuma saniatigut inissiaqarfioreersut annertusarneqarnissaminnut periarfissaqarnerusut Nuussuarmi aamma Quassussuup Tungaani inissisimapput. Kommunimut pilersaarummi tassani immikkoortut ikittuinnaat eqiterinissamut atugassanngortinneqarput, siunissamili pilersaarusiornermi eqiteriffiusinnaasut allat toqqarneqarnissaat pisariaqartinneqassaaq.

Eqiteriffiusinnaasut pingaarnerpaat tassaapput:

  1. Tuujuup aamma Blok P-p eqqaa
  2. Blok 1-10-p allanngortinnerat
  3. Millionæri Barakki
  4. Kujallerpaat
  5. Innavinnguaq
  6. Quassunnguup annertusarnera
  7. Inussussuaq
  8. Imeqarfiup eqqaata allanngortinneqarnera
  9. Telemut immikkoortoq
  10. Issortarfiup annertusarnera  
  11. Qasigiannguit annertusarnera (ullumikkut umiatsialiviusoq)  
  12. Nigerleq Kujalleq annertusaaneq  
  13. Nuussuup uummaarissarneqarnera
  14. Mannguata annertusarnera  

Aammattaaq pilersaarutit ataasiakkaat ingerlaavartumik suliarineqartassapput, qorsuttaqarfinnut innarliinngitsumik eqiterinermut ilaasut. 


Immikkoortut eqiteriffiusut

1: Tuujuup aamma Blok P-p eqqaa,  2: Blok 1-10-p allanngortinnerat, 3: Millionæri Barakki, 4: Kujallerpaat, 5: Innavinnguaq, 6:Quassunnguup annertusarnera, 7:Inussussuaq, 8: Imeqarfiup eqqaata allanngortinneqarnera, 9: Telemut immikkoortoq, 10: Issortarfiup annertusarnera, 11: Qasigiannguit annertusarnera (ullumikkut umiatsialiviusoq), 12: Nigerleq Kujalleq annertusaaneq, 13: Nuussuup uummaarissarneqarnera, 14: Mannguata annertusarnera.




Kingullermik iluarsineqarpoq 11-2-2016


WEB by COWI