Nuuk Paamiut Pingaarnertut iluseq Qiterisaqarfiit ilusaat Angallannerup ilusaa Inuutissarsiutit ilusaat Sumiiffiit eriagisassat Qorsooqqinnersaqarfiit ilusaat Immikkoortortat qitiutinneqartut Arsuk Ittoqqortoormiit Tasiilaq Nunaqarfinni Nunaannaq Suliniuteqarfiit

Inuutissarsiutit ilusaat

Umiarsualivimmi inuussutissarsiutinik ingerlatsinissamut periarfissanik ineriartortitsineq

 Maannakkut Paamiuni inuussutissarsiorneq aalisarnermik inuussutissarsiuteqarnermut annertunerusumik attuumavoq, tamannalu suli ineriartortinneqassaaq. Pilersaarusiornermut sanilliullugu tamatuma kingunerissavaa ingerlaavartumik umiarsualivimmi periarfissaasut siullertut annertusarneqarnissaat aamma pitsaangorsarnissaat.

Siunissami inuussutissarsiornikkut periarfissat imaani uuliasiornermik ingerlatsinermut attuumapput, tassa imaani uuliamik qalluisoqarnissaannut atatillugu sullissilluni ingerlatsinerit. Misissueqqaarnermut aamma uuliamik qalluinermut atatillugu assersuutigalugu umiarsualivimmi inissat annertuut pisariaqartinneqarput, lay down areas-inik (uninngatitsiviit) taaneqartartut. Paamiuni umiarsualivimmi nunaminertanik nutaanik pilersitsinissaq periarfissaqarluarpoq soorlu assersuutigalugu kangerliumanerup nunniorneratigut. Tamatuma saniatigut soorunami aamma imaani uuliasiornermut atatillugu inuussutissarsiutitigut periarfissat allat pilersinnaapput.

Paamiut periarfissaannut pingaaruteqarpoq imaani uuliasiorsinnaanermut peqataanissamut, ingerlatsinissamut Nuummi aamma / imaluunniit Paamiuni pilersitsinissaq qanoq ittoq aalajangerneqassanersoq.

Eqqakkanik passussinermut tunngatillugu annertuumik pisariaqartitsisoqarpoq aamma Paamiuni umiarsualivimmi eqqakkanut nutaamik ikuallaaviliornissaq periarfissaqarluarpoq, taamaattoqarneratigut  ikuallaavik eqqakkanik umiarsuarmut assartorneqartunik tigooraanissaminut periarfissaqassaaq.

Inuussutissarsiornermi ingerlatsinerit taakku maannakkut tigussaasumik periarfissaanngikkaluartut kommunip pilersaarusiorneranut atatillugu sillimaffigissallugit pingaaruteqarput tulleriaarinermi aamma (siunissami periarfissatut ) nunaminertanik atugassaqartitsinermi.

Inuussutissarsiornermut nunap immikkoortui allat

 Illoqarfimmi inuussutissarsiornermut immikkoortut allat mikinerit illoqarfiup kujasissuaniipput. Sumiiffik annertunngitsoq kujammut kitaaniippoq anartarfiit imaannik eqqaavimmut aqquserngata sinaaniilluni, sumiiffillu mikisoq alla illoqarfiup avatingajaani kujammut kitaanut inississimavoq. Kommunimut pilersaarummut atatillugu sumiiffik tamanna teknikkikkut iluarsiivigineqarpoq nunaminertaq atorneqartoq annikitsumik millillugu, tamaani manna tikillugu annertusaasoqarsimanngilaq.


Titarnerit qernertut: aqquserngit pingaarnerit, qernertunik toortarlugu titarnilik: umiarsualivittaassamut aqqutissaq, tungujortoq taartoq (1-4): nunaminertat inuussutissarsiuteqarfiusut, tungujortoq qaamasoq: inuussutissarsiuteqarfissat (5-6)



Kingullermik iluarsineqarpoq 1-5-2016


WEB by COWI