Nuuk Paamiut Ittoqqortoormiit Tasiilaq Pingaarnertut iluseq Immikkoortortat qitiutinneqartut Isertoq Tiilerilaaq Kuummiut Sermiligaaq Kulusuk Nunaqarfinni Nunaannaq Suliniuteqarfiit

Tiilerilaaq

2015-p aallartinnerani aalajangersimasumik najugallit 110-upput inuit piniariartarfimmiittut ilanngullugit. Ikiut kingulliit ingerlanerini inukilliartorpoq taamaaginnarnissaalu ilimagineqarluni, imaluuniiit aalaakkaanerulernissaat pisinnaalluni.

Pingaarnertut iluseq

Inissiaqarfiit 

Inissiat 71-iupput taakkunannga 15-it inoqaratik. Inissiat ataatsimoorussaqarfinnut qanillutik nunaqarfiup qeqqata nalaani inissisimapput.

Inuttussutsikkut aamma inuussutissarsiutitigut ineriartorneq tunngavigalugu kommunalbestyrelsimit nalilerneqarpoq, aamma inissiaqarfissatut atugassanngortillugit pigineqareersut akornanni suli sanaartorfissaqareernera pissutigalugu, Kommunalbestyrelsimit nalilerneqarpoq Tiilerilaami inissiaqarfittut siunertalimmut nunaminertamik atugassiisoqarnissaa pisariaqartinneqanngitsoq.

Inissiat iluarsaanneqarnissaat aserfallatsaaliorneqarnissaallu kissaataavoq. Kommunip inissiaatai pioreersut utoqqarnut naleqqussarlugit iluarsaanneqassapput.

Immikkoortut ataatsimoorussat

Kommunimi ataatsimoorussat immikkoortuni marlunni inissisimapput. Immikkoortumi siullermiipput umiarsualiviup eqqaani pisiniarfik, qui, allakkerivik, banki, tarajorterivik. Gassiisivik tankeqarfillu. Immikkoortup aappaaniillutik umiarsualiviup avannaa´tungaani atuarfik, oqaluffik, illu sullissivik, katersortarfik qatserisarfillu.

Ataatsimoorussassat nutaat qiterpasissumi inissinneqassapput, taamaalilluni nunaqarfiup qeqqa nunaqarfimmi katersuuffittut inissisimalissammat.

Inuussutissarsiuteqarfiit

Tiilerilaami Isertumilu inuussutissarsiornikkut puisinik piniarneq tamanut tunngaviuvoq.

Nunaqarfinni tunisassiorfeqalernissaanut aamma puisit amiinik mersortarfeqarnissamut periarfissat takkutissagaluarpata taakku Isertumi aamma Tiilerilaami inissinneqartariaqarput.

Nunaminertat sanaartorfiunngitsut nunaminertallu sukisaarsarfiit


Iliveqarfitoqqat pigiinnarneqarnissaat kissaatigineqarpoq, iliveqarfillu nutaaq peqatigalugu nunaminertamut sanaartorfiunngitsumut inissinneqarlutik.

Allanngutsaaliugassatut soqutigisat

Tiilerilaaq asimioqarfitoqaavoq. Nunaqarfiup avannata tungaani helistopip avannaani illukoqarpoq issunit ujaqqanillu sanaamik. Illunik illukunilluunniit allanik allanngutsaaliugassanik imaluunniit oqaluttuarisaanermut soqutiginaatilinnik annerusumik peqanngilaq.

Angallannermut, teknikkimut avatangiisimullu tunngasut

Helistop nunaqarfiup avannaani inissisimavoq.

Tiilerilaap 1 kilometerit missaannik aqquserngata nunaqarfiup atuuffiinut pitsaasumik aqquteqarnissaa qulakkeerpaa.

Nunaqarfik umiarsualiviup eqqaani innaallagissiorfimmiit innaallagissamik pilersorneqarpoq. Innaallagissiorfiup piffissami pilersaarusiorfiusumi allilerneqarnissaa pisariaqarsimanngilaq.

Imermik pilersuineq nunaqarfiup avannaani tatsimit, erngup aqqutaatigut aamma ukiumi imermut tankimit imertarfigineqarsinnaasumit pivoq. Taseq imeqarfik pallitsaalillugu killeqarfeqarpoq.

Imikoorut qasertoq nunamut kuutsinneqartarpoq. Eqqakkanut anartarfilerinermullu aaqqissuussaqarpoq eqqaavittalimmik.

Umiarsualivik talittarfeqarpoq 8 meterinik takissusilimmik. Immap itissusia nalinginnasumik 4 meteriuvoq.


Tiilerilaaq pingaarnertut iluseq



Kingullermik iluarsineqarpoq 20-6-2016


WEB by COWI